Ümmi Əbiha
Seyid Əliəkbər OcaqnejadEn Yeni Ümmi Əbiha Sözleri ve Alıntıları
En Yeni Ümmi Əbiha sözleri ve alıntılarını, en yeni Ümmi Əbiha kitap alıntılarını, etkileyici sözleri 1000Kitap'ta bulabilirsiniz.Mərhum Ayətullah Behcət
Dövrümüzün tanınmış alim və ariflərindən biri idi. Bir nəfər ondan belə soruşdu: "Bəzən insan gecə namazına oyana bilmir. Hansı işləri görsəm mənim gecə namazı qılmağıma rağbətim daha da çoxalar?
Ayətullah Bəhcət buyurdu: Çox yaxşı olar ki, insan özünü qıla bilmədiyi gecə namazının qəzalarını qılmağa öyrəşdirsin. Səhər ayılıb görsə ki, həm sübh namazı, həm də gecə namazı qəzaya gedib, sübhün qəzasını qıldıqdan sonra gecə namazının da qəzasını qılsın. Yaxud elə bir vaxt oyanıb ki, sübh namazının vaxtıdır. Sübh namazından sonra gecə namazının qəzasını qılsın. Belə olduqda həmin şəxsin gecə namazını qılmağa müvəffəqiyyəti çoxalar. İstəyər ki, bu namazı həmişə öz vaxtında qılsın."
Gecə namazı belə şərafətlərə malikdir.
Hədislərdə deyilir ki, insan gecə namazı qılarkən Allah-təala doqquz cərgə mələyi onun arxasında dayanıb namaz qılmaq üçün göndərir. Cərgələrin sayı doqquz olsa da, hər bir cərgədə nə qədər mələk dayandığını Allah bilir. Allah-təala həmin şəxsin dərəcəsini o mələklərin sayı qədər artırır. Həmin mələklər Allahdan bu insanın bağışlanmasını diləyərlər.
Ustadlardan biri namaz haqqında belə buyurmuşdu
İnsan fikirləşməməlidir ki, yaşlandıqda namazı daha gözəl, daha rahat qıla bilər. Hər bir işin yaxşısını və gözəlini insan cavan vaxtlarında yerinə yetirə bilir. İnsan namazın şirinliyini cavan vaxtlarinda dadıb hiss edə bilir.
Namaz.
Namazın özü insan üçün mühümdür. Namaz insanın nuraniyyəti, əzəməti və mənəviyyətidir. Namaz insanın şərafəti, ədəbidir. Namaz insanın Allahına olan təşəkkürüdür. Namaz insanın əbədiyyətidir. Namaz insan mənəviyyətinin varlığıdır. Namaz İslamın üzü və görünən tərəfidir. Namaz qiyamət günü soruşulan ilk sualdır. Namaz dinin sütunudur. Namaz bütün peyğəmbərlərin vəsiyyətidir.
İmam Sadiq (ə) buyurur: "Həm gecənin mələkləri, həm də gündüzün mələkləri sübh namazını həm görür, həm də yazırlar."
Sübh namazı
Hər kəs sübh namazını vaxtında qilsa, həm gecə mələkləri günün axırıncı əməli kimi, həm də gündüzün mələkləri yeni günün birinci əməli kimi o şəxsin dəftərinə qeyd edirlər.
Sübh namazı yeganə namazdır ki, həm gecənin həm də gündüzün mələkləri tərəfindən müşahidə edilib yazılır. Ümumiyyətlə, nəzarətçi mələklər iki dəstəyə bölünür: Onların bir dəstəsi gecələr nəzarət edir, bir dəstəsi isə gündüzlər.
Fatimeyi Zəhra (s.ə.) :
"Övladlarınızı sevin, onların tərbiyəsi ilə məşğul olun"
Bilirdi ki, hər kəs öz övladına gözəl tərbiyə verməsə, qiyamət günü cavab verməlidir.
Fatimeyi Zəhra(s.ə) bilirdi ki, hər bir insanın Allahı başa düşməsi, təkamülə çatması və xoşbəxt olması tərbiyədən asılıdır. Bilirdi ki, hər bir cəmiyyətin inkişafı da onun tərbiyəsi ilə əlaqəlidir. Həmçinin bilirdi ki, övladın tərbiyəsinin əsas hissəsi ananın öhdəsinə düşür. Doğrudur ki, uşağın tərbiyəsində atanın da özünəməxsus yeri var. Atanın yeməyi, qazancı, səfərləri, rəftarı və hər bir hərəkəti ailədə və övladın tərbiyəsində öz təsirini göstərir.
ZİKR
-Hər kəs Fatimeyi Zəhranın təsbihini zikr etsə və qurtardıqdan sonra dərhal bir dəfə "əstəğfirullah rəbbi və ətubu iləyh" - desə, Allah onu bağışlayar. Bu təsbihatda yüz dəfə zikr olmasına baxmayaraq, qiyamət gününün hesab-kitabında yüz deyil, min zikr hesab olunacaq. Bu zikri etmək şeytanı uzaqlaşdırar və Allahın razılığına səbəb olar.