Tu kezîkura mala bavê,
Li vê êlê,
Ez, simbêlkurrê danzdeh bira!
Qey çengek axa mirinê bi destê me nekeve?
Qey xurê kêra ko bû ev can?
(mîna mîha beravêtî li nav van keriyan…)
1
Ew şev kurr hate malê. Bi dizîkava, ji xerîbiyê… Hat, kete paşika jina xwe.
Diya wî radizê. Li ber renaya tavehîvê, Ew û Jinik ketin xewa dilê
şirîn.
Kur razabû di paşika jina xwe de.
Bûk, bibû pêçeka Memê. Mê, bû barê nêr; nêr, bû şîr û dergûşa mê!
Dê radiza. Xewa xwînê ketibû çevê wê. Serê wê li ser belgiyê pepûkê…
Li ser belgiye wê,