En Beğenilen Zamanı Necə Yeyək kitaplarını, en beğenilen Zamanı Necə Yeyək sözleri ve alıntılarını, en beğenilen Zamanı Necə Yeyək yazarlarını, en beğenilen Zamanı Necə Yeyək yorumları ve incelemelerini 1000Kitap'ta bulabilirsiniz.
Həyat kino deyil. Kinoda qəhrəmanlar zamanı artıra bilirdilərsə, real həyatda bu, qeyri-mümkündür. Elə isə, həyatınızı təşkil edən ömür saniyələrinizin qədrini bilin!
Hər insana hər səhər 24 saat vaxt verilir. Bu da 86400 saniyə deməkdir. 86400 saniyə hər birimizə gündəlik olaraq verilmiş sehirli iksir, əvəzsiz xəzinə və həyat sərmayəsidir.
Zamanın idarəsini praktikada tətbiq edən bir çox insanların həyat təcrübəsindən görünür ki, gündəlik iş planının tərtibi hər gün ən azı iki saat vaxta qənaət etməyə imkan yaradır. Bəzi insanlarda isə bu rəqəm daha yüksəkdir.
2-3 saat, bilirsiniz, nə deməkdir? 7200-10800 saniyə deməkdir. Gündəlik balansınızda bu qədər saniyələrin olması günün sonunda sizin seytnota düşməməyinizə səbəb olacaq. Bir düşünün, bu qədər zaman ərzində nə qədər mühüm iş görmək olar. Qənaət edə biləcəyimiz gündəlik zaman qazanclarımız (gündəlik üç saatla hesablasaq) bir ayda 324000 saniyəyə bərabər olar. Bu, bir aya 90 saat qənaət etmək deməkdir. Bir ilə həmin rəqəm 1080 saata bərabər olar. Bu isə 3.888.000 saniyə deməkdir. Bu qədər vaxt sizə hər hansı bir institutun diplomunu almaq üçün kifayətdir. Belə ki, hər hansı bir sahədə diplom almaq üçün sizə 960 akademik saat dərs almaq lazımdır. Bir dəqiqəyə bir səhifə oxumaq sürəti ilə bu bir ilə siz 64 800 səhifə kitab oxumuş olarsınız. Bu isə 150 səhifəlik kitabla ildə 432 kitab edir.
Bir məsələni anlayaq: elə sahələr və elə insanlar var ki, onlara vaxt sərmayə etməyin heç bir mənası yoxdur. Çünki bu sərmayə özünü heç bir zaman doğrultmayacaq.