Yek armanc,
Yek rêzan,
Yek raman,
Xebatê bikî,
Ji bo Kurdistan.
Ji bo îro,
Ev gotin besin,
Heke zanibî,
Ji min bibhîse,
Şîreta biran.
An na,
Dê bê 'xapandin,
Ji dilpaqijî,
Bibî part ji bo,
Rovî û Guran.
Bese, Ho !
Çavê xwe veke,
Da ku carek din,
Wekî her carê,—
Neyî xapandin.
Baş binas,
Riya xwe,
Armanca millet,
Da giyanê kurd
Bête vejandin.
Azadî,
Ji bo te
Ku bi tukesî,
Bi tû ramanan,
Neyî girêdan.
Berî vê pi çar sed sali
Zanayê me Kurdan Ehmedî Xanî,
Riya felat û azadiyê
Ji gernasên îro pirr çêtir dizanî
Agirê serxwebûna milletan,
Divê xebateke xurt û gelêr û yekrû.
Tenê bi pifkirinê vênakeve,
Jê re dixwaze gelek êzing û ardû..
Ardûyê vî agirê han,
Divê em bin, ho.. kurdên camêr û bi
rêmet!
Berî herkesî ala xwe hilda
Tev leşkerê xwe Ceneral Îhsan
Lê dema felek berî jê guhart
Dakete Îraq vala hişt meydan.
Piştî wî rabû Șer Seîdê kal
Tev eşirên Kurd daket ji Pîran