– Bəzi adamlar köynəkdə doğulublar da… Onlar zəhmət çəkmirlər ki… Hazıra nazirdirlər. Biz neyləyirik? – Xalid sözünə davam etdi. – Verilməyən ədaləti əldə etməyə çalışırıq.
– Kitablar mühümdür. Biz kitab oxuyaraq, əslində, nəyin necə baş verdiyini anlaya bilərik. Burada niyə yüz ildir müharibə gedir? Niyə bu müharibə heç başa çatmır? Bunun sirrini bizə ancaq kitablarda yazıblar. O zaman sual olunur : niyə sistem hər şeyi yazmağa icazə verirdi? Çünki bilirlər : hər kəs kitab oxumur. Oxusalar, bu müharibələr olmaz, qırğınlar olmaz. Oxusalar, bilərlər ki, yüz il öncə hansı plan olub.