Əmbiyə Məmmədova
@mammedofhaa_
Peyğəmbərin Meracı
O idrakın gözündən gizlənə bilməz heç vaxt,
"Onu görə bilmərik!" deyənlər kordu ancaq.
Tapmdığını görmək bir səadətdir, bəli,
Mütləq görülməlidir O, mütləq görülməli!
O pərdəni görməyə məkan varmı?Məkan yox.
Yürüməyə, çatmağa zaman varmı?Zaman yox.
O pərdənin ardını görməyi bacaranlar,
Məkanı tapmasa da, laməkana yol tapar.
Tanrı sifətlərini inkar küfrdür saqın,
Cahil olma, nə yönü, nə yeri var Allahın.
Tanrı var, fəqət onun mənzili, məqamı yox,
Məkana möhtac olan Tanrı sayılarmı? Yox!
Həzrət Məhəmməd onu başqa ölçüylə gördü:
Ürək, idrak gözüylə, zəka gücüylə gördü.
Haqqın hazırladığı meydən içdi Peyğəmbər,
Bizim də qəlbimizə damızdırdı bir qədər.
Bazı hikâyeler tam tahmin ettiğin gibi ilerler. Bazılarıysa son sayfada tüm bildiklerini sorgulatır. 🤯
Ters köşeleri seviyorsan, seni sonuna kadar merakta bırakacak 3 kitap önerisini keşfetmeye hazır ol!
PEYĞƏMBƏRLƏRİN SONUNCUSU HƏZRƏT
MƏHƏMMƏDƏ GÖZƏLLƏMƏHz. Muhammed (s.a.v.)
Təhsili olmasa da o, çox yüksəkdir, inan,
"Əlif' ilə Adəmdən, "mim" ilə Məsihadan.
Sədaqətdə, vəfada "əlif' gördülər onu,
Peyğəmbərliyin başı, peyğəmbərliyin sonu!
Məhəmməddir aləmin ən işıqlı nöqtəsi,
Bütün deyilmişlərə nöqtə qoyub nüktəsi.
Cahana baş əyməyən kamil kişi olsa da,
Öyünməkdən, kibrdən uzaq gəzdi dünyada.
İKİNCİ MÜNACAT
Ey hələ biz yox ikən var olan ülvi, uca!
Biz öləndən sonra da ey, əbədi qalacaq!
Dövran sənin əmrinin cilov çəkən nökəri,
Yəhərini daşıyır fələyin çiyinləri.
Biz ki, sənin qapını döyən dilənçi -yazıq...
Qulaqları qapıntək həlqəli qullarınıq.
Səndən savay heç kəsdən mehr ummadı qəlbimiz,
Heç bir könül tikənə minnətçi olmadıq biz.
Qorxumuz da səndəndir, ümidimiz də sənsən,
Biz suçluyuq, sən kərim, suçumuzdan keçənsən.
Köməksizik, çarə qıl, sənsən ümid yerimiz,
Sən də qovsan qapından, kimə yalvararıq biz?
BaşlanğıcBismillahirrahmânirrahîm
Bismillahir-rəhmanir-rəhim.
Hikmət xəzinəsinə budur açar, ey həkim!
Odur fikrin əvvəli, odur kəlamın sonu,
Nə iş görsən, Tanrının adıyla qurtar onu
