Daha son ümidə ümid qalmayıb,
Qalsa yollarına baxardım, olmur…
Soyuq əllərimi üzük yerinə,
Qaynar əllərinə taxardım, olmur…
Yanında, elə bil, yersiz qonağam,
Mən sənə günaham, suçam, yasağam.
Sən güllə deyilsən, mənsə qorxağam…
Səni öz başıma sıxardım, olmur…
Neyləyək olmadı, çatmadı gücüm,
Elə bil tutmadı bürcünlə bürcüm.
Səni ürəyimdən çıxarmaq üçün,
Gərək ürəyimi çıxardım, olmur…
Elə sevərək başlamışam ki, 2018 ci il məkan Azərbaycan Ermənistan şərti sərhəddi, əslində özümüzə uzaq düşmənə yaxın bir yerlər, hər gün xidməti ardıcıllığın eyni ardıcıllığla dönüb durduğu günlər. Belə ötüb keçən zamanın birində kiçik bir dəyişiklik oldu heyyət arasında və bunla da kitablar bizim balaca ama vəzifəsi böyük gettomuza daxil oldu. Həyatında heç bədii əsər demək olar ki oxumayan birinə belə yerdə kitab bir yeni əyləncə kimi gələ bilərdi, lakin bir xidmət gecəsi başlanılan həmən əsərlə sanki ədəbiyyat qaranlığıma çıraq yandı.
Dirilmə bu kitab idi ki mənəvi olaraq məndə böyük iz buraxdı və o gündən bu günə içimdə sönmək bilməyən məşəl oldu.
Ardıyca
Sol Ayağım kitabları da yönümü dəyişməz olaraq sanki sabit qıldılar.
Kitabların azlığından təkrar təkrar sevdiyim yerlərini oxumaq hələ elə çox zövq verirdi ki mənə, bəzən yoxluqlardır insana duyulmayacaq hissləri yaşadan...🌿
Sən hər gecə göylərdə gümüş ay kimi parla,
Mən şöləsi titrək çıraq olsam, nəyi pisdi?
Sən incə zərif duyğuların məskəni cənnət,
Mən orda xəyalən qonaq olsam, nəyi pisdi?
Sən bir kitab ol, zövqü olanlar oxusunlar,
Mən rəngi saralmış varaq olsam, nəyi pisdi?
Sən nur ələyən hər yana büllur saray ikən,
Mən torpağa yatmış otaq olsam, nəyi pisdi?
Sən çay kimi ax, bəndləri sındır yolun üstə,
Mən sadə ve səssiz bulaq olsam, nəyi pisdi?.
Sən ruhunu azad ele zülmət qaralıqdan,
Mən yarı qara , yarı ağ olsam, nəyi pisdi?
Sən zirvəyə yüksəl ki, əlin göylərə çatsın...
Mən də sənə hərdən dayaq olsam, nəyi pisdi?
Ey görünməz dost elindən gələn quş!
Hansı murdar əllər yıxmış yuvanı?
Qəribmisən, yoxsa nədir bu duruş!
Əlindənmi aldı ovçu balanı?
Ovçu, görüm yavrun sənə qalmasın,
Əkdiklərin solsun, kölgə salmasın!