Nail Zeyniyev
@nzeyniyev
"Qaranlıq Bir Sabah", "Mən Qəribə Adamam" və "Peşmanlıq Nəğmələri" kitablarının müəllifi..
"Ədəbiyyat və İncəsənət" portalının əməkdaşı..
AMEA - MEK
AxşamEdebiyat
Sevinc tapdım günün biri, itirdim axşam,
Öz ruhumu buludlara yetirdim axşam.
Pəncərəmə naxış vurdu yağan yağışlar,
Bir pərini xəyalıma gətirdim axşam.
Qonaq gəldi, ağırladım, müsafir etdim,
Yola saldım, uğurladım, ötürdüm axşam.
Dərin-dərin fikirləri yazıb tökməyə
Bir qələmi, bir vərəqi götürdüm axşam.
Sonra batdım hey gəmisi batanlar kimi,
Yarım-yarım nağılları bitirdim axşam.
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Başımı daşlara vurdum nə oldu?
Ürəyim dağıldı, yurdum nə oldu?
Gecələr xəyallar qurdum nə oldu?
Dünyadan nə umdum, içimdə qaldı..
Yedilər ömrümü yas günümdə də,
Doğum günümdə də, yaş günümdə də.
Qəbrimin gəldiyi daş günümdə də,
Ağlım uzaqlarda — üçümdə qaldı.
Bu təklik xətrimə dəyir, diləndim,
Gəzdim qapı-qapı şeir diləndim.
Gecədən səhərə xeyir diləndim,
Durnalar ruhumun köçündə qaldı.
Nail Zeyniyev
