Zamanın dərinliklərindən səslənən , son dərəcə əyləncəli, misilsiz, dərin mənaya malik, ən incə detallarına qədər təsvir olunan və tamamilə dərk edilən başqa bir dünyaya aparan fövqəladə və dahiyanə bir əsər.
Xatirələr soyuq təsəllidir , Legolas. Qəlbin istədiyi şey xatirələr deyil. Xatirə lap Keled-zaram qədər aydın olsa da, sadəcə güzgüdür. Hər halda cırtdanlar belə düşünür. Elflər buna başqa cür yanaşa bilərlər; çünki elflər üçün keçmiş bu gün də davam edir. Onlar üçün xatirələr yuxu yox, canlı həyat kimidir. Amma cırtdanlar üçün belə deyil.
Üç üzük - Göy üzünün altındakı Elf krallarına,
Yeddisi - daş saraylarda yaşayan Cırtdan hökmdarlara,
Doqquz üzük - fani həyat sürən ölümlü insanlara,
Bir üzük - zülmət içindəki Mordor Diyarında Qara taxtında oturmuş Qaranlıqlar şahına,
Bu üzük hamısına hökm edəcək,
Hamısını tapıb bir yerə yığacaq,
Qaranlıqda zəncirlərə vuracaq,
Zülmət içindəki Mordor Diyarında.