Siara Samadova
@siara
İg: siasdiaryyy
Baku State University
22 Ağustos 2001
74 okur puanı
Haziran 2021 tarihinde katıldı
Laurie Gilmore | Yılbaşı Ağacı ÇiftliğiEdebiyat
2026-cı ilin ilk kitabı.
Yeni ildən əvvəl oxumaq istəsəm də, vaxt azlığından yeni ildən sonra oxumağa başladım. Mən Yeni il ərəfəsində axıcı, beyin yormayan kitabları oxumağı çox sevirəm. Əslində belə kitablar üçün böyük bir gözləntim olmur, amma yazarın kitabda yaratdığı atmosferi çox sevdim. Oxuduqca, təbii ki paralelində xəyal etdikcə, çox şirin və xoş hislər bürüyür insanı. Tam o yeni il istiliyini keçirə bilir.
Kira North, zəngin ailənin heç bir əzab-əziyyət görmədən böyüyən qızıdır. Əkiz bacısının evlənib getməsi ilə böyük bir əskiklik hiss edir və ani qərarla bir çiftlik evi alır.
Rahat həyatını geridə qoyub gəldiyi yer isə çox şən, çox əyləncəli Dream Harbor-dur.
Axıcı dili var və əvvəldə də dediyim kimi, yazar Yeni il ruhunu və atmosferini oxucuya ötürə bilir. Oxuduqca özümü gah çiftlikdə, gah Jennie-nin şirniyyat mağzasında, gah da Loganın nənə-babasının evində Dream Harbor-un maraqlı, çılğın insanları ilə birlikdə hiss etdim.
Cənnət kimi | Judith McNaughtEdebiyat
Yanlış anlaşılmalar, yalançı qardaş, əzazil əmi və riyakar rəfiqələr..
Elizabet Kameron bütün bunlara necə sinə gərdi?
Dövrünün digər xanımlarından fərqli olaraq, Elizabet Kameron gözəlliyi ilə yanaşı həm də çox ağıllı, məntiqli, dünyagörüşlü bir qızdır. Yanlış anlaşımalar üzündən özünü Hevenhörstə qapatdığı iki il ərzində, idarəçiliyi əlinə almış, mümkün qədər qənaətlə evi idarə etmişdir. Bunu isə hər qadın bacara bilməzdi, ümumən, o dövrdə qadınların böyük bir hissəsi daş-qaş, ləl-cəvahirat ardıyca gedirdi. Elizabet isə idarəçiliyi ehtiyac üzündən öyrənmişdi.
İan Tornton.. haqqında çox şayiələr var, lakin sirli biridir, bir o qədər də yaraşıqlı.
Müəllifin qələmi ilə ilk tanışlığım idi. Qalın kitablar biraz məni qoxudur, lakin çox axıcı, anlaşıqlı dildə tərcümə olunmuşdur. Kitabı oxuduqca gözümün qarşısında Bridgerton serialı canlanırdı, baş obrazlar da xarakterlərinə görə nisbətən Daphne və Simon-u xatırlatdı.
46 bənövşə | Salam QədirzadəEdebiyat
Salam Qədirzadənin kitabları o qədər doğmadır ki, sanki hər bir səhifəsində sən də həmin obrazlarla birlikdə o anları yaşayırsan. Əslində günümüzə də yad olmayan mövzulardan yazsa da, xüsusi bir hiss var ki insan kitabın sehrinə qapılıb real dünyadan qopur. Düzünü desəm, bu günə qədər oxuduğum, çox az olsa da, müxtəlif ölkələrdən olan yazarların kitablarında bu hissə qapılmamışam. Bəlkə də doğmalıqdan irəli gəlir bütün duyduğum hislər, Azərbaycan ədəbiyyatına olan sevgimdən.
Kitab iki povestdən ibarətdir: “Ülkər-Aytəkin” və “46 bənövşə”.
İki əsəri də birləşdirən maraqlı nüanslardan biri odur ki, hər iki əsərin baş qəhrəmanı demək olar sevgidə eyni uğursuzluqla rastlaşır.
“46 bənövşə”yə gəldikdə povest bir növ Könülün keçdiyi həyat sınağını əhatə edir. Könül universitet tələbəsidir, kitablara çox düşkündür və o, hər bir nağılın xoşbəxt sonluqla bitəcəyinə inanan biridir. Lakin həyat nağıl deyil, reallıq tamamilə başqa cür ola bilər. Bir dəftəri var: bənövşəli dəftər, həyatında baş verən istər sevincli, istər kədərli, istər uğurlu, istər uğursuz, hər bir hadisəni qeyd edib, xatirəsini yazır. Könülü mənə doğmalaşdıran, məndə xüsusi yeri olmasını təmin edən də elə bu idi: mənim də onun kimi bir dəftərim var, hər zaman olmasa da, zaman-zaman müəyyən qeydlər edirəm o dəftərə.
Povesti oxuyarkən bəzi dərslər də ala bilər gənclər. Müəllifin digər kitabları kimi, “46 bənövşə”ni də mən çox sevdim.
Çağrı | Elçin ƏzimliEdebiyat
Mən hər bir kitabın, filmin, məqalənin, bilgi əldə edəcəyim istənilən mənbə ilə tanış olmağın bir zamanı olduğuna inanan biriyəm. İstər film olsun, istərsə də kitab, tam ehtiyacım olduğu anda qarşıma çıxar və həmən ankı ruh halıma uyğun ya mənə yol göstərər, ya da ki hər hansı mövzuda gözümü açar və həyatıma toxunuşu əvəzsiz olar, bununla da həyatımda unudulmaz xatirəyə çevrilər.
Eynilə Çağrı kimi. Əvvəla onu deyim ki, yazı çox sevən biri olaraq, hər dəfəsində çölləri, ağacları izləyərkən diqqət etdiyim detalları kitabda oxumaq xüsusi zövq verir.
Haqqında danışmağa isə o qədər söz var ki, insan bilmir hansından başlasın. Hüzuru tam anlamı ilə hiss etmək istədiyim bir zamanda hər bir sətirdə gözlərimi açan cümlələri oxumaq bir başqa dünyaya aparır insanı. Oxuduqca Çağrının yaşadığı həyatı onunla birlikdə sevinci-kədəri, ağrısı-acısı ilə birlikdə yaşayırsan. Vaxtsız itkilər Çağrını çox tez böyüdür, həyatında baş verən acı hadisələr, özünün dediyi kimi etdiyi səhvlərdən nəticə çıxarmaq onu daha da müdrikləşdirir. Uzun bir yola çıxır Çağrı, müşahidə edir gördüklərini, bu yolda özünə bələdçi seçdiyi insanlarla rastlaşır, ruhunu ibrətamiz söhbətlərlə yoğurur və ən sonda heç gözləmədiyi bir hədiyyə ilə mükafatlandırılır.
O qədər cümlənin altından xətt çəkmişəm ki, zaman-zaman açıb yenidən vərəqləyəcəm və hər dəfəsində də o cümlələrin mənə yol göstərəcəyinə inanıram.
Kəndimizdə bir gözəl var | Salam QədirzadəEdebiyat
Salam Qədirzadə mənim üçün xüsusi bir yeri olan yazardır. Səbəbi isə budur ki, mən hər zaman ədəbiyyatı, xüsusilə, Azərbaycan ədəbiyyatını sevmişəm, lakin Azərbaycan ədəbiyyatı ilə mənim aramda daha