Kitabı oxuyanda elə bildim ki, kitabı heç sevmirəm, sevməyərək oxuyuram. Ola bilsin ki, ilk dəfə tarixi-siyasi kitab oxuduğuma görə belə bir təəssürat yarandı məndə. Ancaq davam etdikcə kitabın nə qədər gözəl yazıldığını başa düşdüm. Böyük ehtimal bu kitabın səhifələrini çevirmək mənə bir də qismət olacaq. Çünki hələ tam dərk edə bilmədiyim məqamlar var. Kitab ,düzünə qalsa, bir az dərindir. Dili çətin olmasa da siyasi söhbətlər çoxdur.
Bir çox oxuyucu kimi mən də oxuyana qədər elə bilirdim ki, kitab ən çox Əli və Ninonun sevgisindən danışacaq. Ümidlərim boşa çıxdı deyə bilərəm.Amma mənə görə Əli və Nino burada dövlətləri təmsil edir. SPOİLER VAR
Sonda Əlinin ölməsi ilə birlikdə AXC də dağılır. Və Əlinin ölməsi məndə böyük hüzün yaratdı.
İndi gələk kitabda sevmədiyim tərəflərə. Ən sevmədiyim tərəf Əlinin Avropalı bir qızla evləndiyini bəzən unutmasıdı. Düzdür, bir vaxtdan sonra Ninonun etdiyi heç bir avropalı hərəkətə qarşı çıxmır. Amma əvvəlcədən ona atasının anasına etdiyi kimi qul kimi, özünün tarlası kimi baxması məni həqiqətən çox əsəbiləşdirdi. Seyid Mustafanı bilmirəm sevdim yoxsa,yox. O hələ də düşüncəmdə sual altındadır. Dost olaraq çox sadiq və yardımsevər dostdur. Lakin ümumi baxış bucağı altından baxanda heç sevməyim gəlmir. Çox qatı şiə müsəlmanı olduğuna görə.
Nəysə, məncə bu qədər bəsdir. Ümid edirəm tariximizi əks ettirən bu gözəl əsəri Azərbaycanlı yoldaşlarım sevərək oxuyar, ya da mənim kimi sonda sevməyi bacarar. Oxuduğunuz üçün təşəkkürlər