Svayqin eserlerində heçbir yaziçida olmayan xsusi bir ruh var ve hikmetli sozlerle doludur
Bu Əsərdə insanın öz iradəsi ilə cəmiyyətin ondan gözlədikləri arasındakı qarşıdurma təsvir olunur.
Kitab Birinci Dünya Müharibəsi dövründə yaşayan gənc rəssam Ferdinandın daxili mübarizəsindən bəhs edir. O, müharibəyə getmək istəmir, lakin vətən, vicdan, qorxu və şəxsi azadlıq arasında seçim etmək məcburiyyətində qalır.Kitabda müharibənin insan psixologiyasına təsiri ön plandadir.
Və gəldik mənim üçün Elatlı yaradıcılığının zirvəsi hesab etdiyim "Qan ləkəsi" romanına. Bu əsər mənim oxuduğum ən dəyərli kitablardan biridir.
Qalın həcmli olmasına baxmayaraq, oxuduğum ən sürətli kitablardan biri oldu. Romanı cəmi dörd gün ərzində bitirmişdim və yaratdığı təsir bu gün də mənimlədir. Maraqlıdır ki, müəlliflə ilk görüşüm zamanı ona hansı kitabından başlamağın daha doğru olacağını soruşmuşdum və o, mənə məhz "Qan ləkəsi"ni tövsiyə etmişdi. Hərçənd mən əvvəlcə digər əsərlərini oxumağı seçdim, sonradan bu kitabın niyə tövsiyə edildiyini çox yaxşı anladım. Əsərin ən güclü tərəflərindən biri obrazların yadda qalmasıdır. Xüsusilə Ələmdar obrazı, onun vətənə bağlılığı, düşüncələri və mübarizəsi məndə böyük təəssürat yaratdı. Kitabın bəzi hissələri məndəki vətənpərvərlik hisslərini daha da gücləndirdi və hadisələri sadəcə izləməyə deyil, onları hiss etməyə sövq etdi.
Roman boyunca gərginlik və maraq bir an belə azalmır. Hadisələr axıcı şəkildə inkişaf edir və oxucunu daim özündə saxlayır. Hətta düşünürəm ki, bu əsər əsasında uğurlu bir film və ya serial çəkmək mümkün olardı.
Düzdür, kitabın həcmi hər oxucu üçün uyğun olmaya bilər. Buna görə onu hər kəsə tövsiyə etməsəm də, uzun romanlardan çəkinməyən və səbirli oxucuların mütləq tanış olmalı olduğu əsərlərdən biri hesab edirəm. Mənim üçün isə "Qan ləkəsi" sadəcə sevdiyim bir kitab deyil, illər keçsə də təsirini itirməyəcək nadir əsərlərdən biridir.
📚🔔 Tatil zili çaldı!
Bir yıl boyunca verilen emeklerin ardından şimdi dinlenme, keşfetme ve yeni maceralara atılma zamanı. 🌞
Bu yaz bol kahkahalı, bol anılı ve elbette bol kitaplı geçsin. Tüm öğrencilere keyifli tatiller diliyoruz! 💙📖
İlk tanışlıqdan artıq diqqətimi cəlb etmişdi bu əsər. Ara-sıra yorularaq kitabı örtmək istəsəm də Ka'nın xarakterini anlamaq istəməm buna imkan vermədi.
Digər tərəfdən yazar əsəri öz dilindən yazır, Ka'nı öz dostu adlandırır. Biz Orhan Pamuku Ka'nın şeirlərini tapmaq, Ka'nın ölümünü araşdırmaq üçün dostunun nəfəs aldığı hər yerə gedir,onun dialoq qurduğu hər insanla tanış olurdu.
Mən Ka'nın həqiqətən var olan bir şair olduğuna inanıram. Yoldaş Ka 12 il Frankfurtda sürgün həyatı yaşayıb, anasının ölümü ilə əlaqəli vətənə qayıdır. İstanbuldan Qarsa son zamanlar din və Atatürk adı altında baş verən hadisələrin mənbəyini öyrənmək üçün reportaj adı altında gəlir.
Qarsda uzunmüddətli tənhalığın, sevgisizliyin təsiri altında tələbəykən sevdiyi, Qarsın millət vəkili ilə evliliyi olmuş İpəklə qarşılaşır. O İpəklə Frankfurta gedib xoşbəxt olmaq xəyalları qürur. Etdiyi hər hərəkəti də bu xoşbəxtliyin təməli olaraq yerinə yetirir.
Ka qorxaqdir, Ka bədbəxtdir, Ka sevir- Ka şairdir.
Ka'nın həyatınin fonunda 1900-cu illər Turkiyəsinin vəziyyəti ilə tanış oluruq. Ka'nın gözündən çaşqın Qars vətəndaşının türkçülük və müsəlmanlıq ideyaları arasında sıxılıb qaldığını görürük.
Əsərin diqqət çəkən digər hissəsi isə Ka'nın yaşıl şeir dəftəridir. Ka şeirlərini qar dənəsinin budaqlarına yerləşdirir və qar dənəsini insan həyatına bənzədir. O şeirləri oxumağı çox istərdim. Bəs bunlar Pamuk'un təxəyyülüdürsə.....
Dünyaca məşhur "Əli və Nino' əsərinin müəllifindən növbəti möhtəşəm qələm işi Sadəcə niyə bu əsər bu qədər məşhur deyilllll.......
Mənim kimi tarix takıntısı olan bir insan üçün bu əsər nə qədər maraqlı gəldi özünüz düşünün Romanda sarayından didərgin düşmüş bir paşa və onun şəhzadə üçün yetişdirilən qızından söhbət gedir. Ancaq əsərdə daha nələr yoxdur- şərq və qərb münasibətləri, əbədi sədaqət, vətən sevgisi, kişilik və qadınlıq göstəriciləri daha nələrrr nələrrrrrrr..... Əsərin baş qəhrəmanı ənbəri adlı paşa qızıdır,o artıq şəhzadə üçün yetişdirilmiş, sarayda yaşamır. Ənbəri Berlində kiçik bir evdə atası ilə birgə yaşayır və filologiya üzrə təhsil alır, əcdadlarının dilini, tarixini öyrənir. Belə bir dönəmdə vətən xiffəti çəkdiyi, Berlinə uyğunlaşmağa çalışdığı bir vaxtda bir həkimlə qarşılaşır......
Allahım əsərdə o qədər dolanbaclı hadisələr var ki, inanın sizə burada nə qədər danışsam da spoiler almış olmazsınız...
Odur ki, ümidvaram sevimli oxurlar bu kitaba xüsusi diqqət yetirəcəklər
ODUN İSRAFI
Normalda oxuduğum bütün kitablarla bağlı fikirlərimi ayrı-ayrılıqda yazmağa çalışıram. Əgər tamamlanmış bir kitab serisidirsə, hər kitab haqqında ayrıca düşüncələrimi bölüşürəm. Amma bu seri məni o qədər yordu ki, nə hər kitabı ayrıca dəyərləndirmək istədim, nə də ümumiyyətlə sonuna qədər həvəslə oxuya bildim.
Sözün əsl mənasında bu kitab mənim üçün tam bir kağız israfı idi. Hətta daha açıq desəm, sadəcə kağız yox, bildiyin odun israfı.
İndiyə qədər bəyənmədiyim çox kitab olub. Amma heç biri məndə bu qədər güclü mənfi təəssürat yaratmamışdı. Bu kitabı oxuyarkən tez-tez öz-özümə “Mən niyə bunu oxuyuram?” sualını verdim.
Ən böyük məyusluğum isə kitabın “askeri kurgu” adı altında təqdim olunması oldu. Mən askeri kurgu janrını həddindən artıq sevirəm. Bu janrda oxuduğum kitablar insana intizamı, komandaya bağlılığı, fədakarlığı və uniformanın arxasında duran ağır həyatı hiss etdirir.
Askeri kurgu sadəcə personajların əsgər formasında olması demək deyil. Əsl askeri kurgu oxucuya o nizam-intizamı, əmrləri, məsuliyyəti, vətən sevgisini, savaşın ağırlığını və bu həyatın yaratdığı emosional yükü yaşatmalıdır. Oxucu kitabı oxuyarkən o atmosferin içinə düşməli, personajlarla birlikdə həmin hissləri yaşamalıdır.
Amma bu kitabın askeri kurgu ilə yaxından-uzaqdan heç bir əlaqəsi yoxdur.
Kitabda nə hərbi disiplin hiss olunur, nə də bu janra xas olan atmosfer var. Personajların davranışları, dialoqları və hadisələrin inkişafı askeri kurgu ruhunu qətiyyən əks etdirmir. Sadəcə obrazların hərbçi olması bir əsəri askeri kurgu etmir. Əgər oxucu o gərginliyi, o intizamı və o xüsusi hissi yaşamırsa, deməli ortada bu janrın ruhu yoxdur.
Təəssüf ki, bu kitab mənə həmin hisslərin heç birini yaşatmadı. Nə uniformanın ağırlığını hiss etdim, nə personajların daşıdığı məsuliyyəti, nə də bu
Qriqoriy Petrovun -Ağ zanbaqlar ölkəsi romanını oxuyub bitirdim.
Əsər Finlandiyanın Rusiya ilə birləşdirilməsindən sonra keçdiyi inkişaf yolundan bəhs edir.
Kitabda Yohan Vilhelm Snelman adlı fin mütəfəkkirin öz xalqını ağır durumdan çıxarması yolunda apardığı mübarizəsi ətraflı əks olunur.
Daş-qayadan ibarət bərəkətsiz torpaqlar, yoxsul və savadsız insanlar, sürətlə pozulan, dağılan əxlaq, ailə və cəmiyyət dəyərləri, geridə qalmış sənaye və öz ölkəsini, cəmiyyətini, insanlarını xoşbəxt, mədəni və inkişaf etmiş bir gələcəyə daşımaq naminə mübarizə aparan aydınlar-fədailər...
Əsərin əsas obrazı, qəhrəmanı kimi gördüyümüz Snelman "Xalqın müəllimi" tituluna layiq görülür və bu gün dünyanın ən inkişaf etmiş, ən mədəni ölkələrindən biri halına gəlmiş Finlandiya modelinin qurucusu hesab olunur.
Snelman bir neçə ziyalı ilə başladığı işlərə, çıxdığı yola onlarca, yüzlərlə tərəfdaş, aydın-ziyalı yığa-yığa bütün ölkə ərazisində sayı cəmi iki milyon olan fin cəmiyyətində maarifləndirici çıxışlar, tədbirlər, söhbətlər hesabına insanlara təsir etməyə, cəmiyyətin hər təbəqəsindən olan insanların aydınlanmasına can atan bir obrazdır. Snelman belə düşünür ki, xalqın və cəmiyyətin rifahı ilk öncə təhsilli və vicdanlı müəllimlərdən asılıdır. Onlara siz bu cəmiyyətin, gəncliyin və gələcəyin qurucularısız deyə müraciət edir və əlavə edir ki, mənə özünü həqiqətən müəllim kimi hiss edən, çıxdığımız bu aydın yolda nəyin bahasına olur-olsun, öz əqidəsindən dönməyəcək olanlar lazımdır. Əgər aranızda kimsə özünü müəllim kimi hiss etmirsə, başqa sənətlərə, peşələrə yönəlsin, harda cəmiyyətə fayda verə biləcəyini düşünürsə, o istiqamətdə çalışsın.
"Xalqı unutmayın. Siz onların içindən çıxmısınız. Savadsız, yoxsul və cahil xalqdan qaçırsınız? Özünüzü onlardan üstün görürsünüz? Bəs bu xalqın
