Salam, 1K kitabsevərləri!
Çingiz Mustafayev haqqında incələmə yazmaq, onun əvəzolunmaz varlığından söz açmaq, haqqında bəşəriyyətə tək bir söz söyləmək, həm şərəfdir, həm məsuliyyət, həm də çox çətindir.
Şəhid jurnalist, ANSin şir ürəkli müxbiri, "Xocalı Soyqırımı"mın bütün dünyada tanınmasının səbəbkarı Mustafayev Çingiz Fuad oğlu. Canın bahasına miras qoyduğun dəlillər, neçə könül dəlib keçir hər nümayiş edildiyində. Hələ o can parçalayan səsin, yerdə vəhşicəsinə qətl edilmiş, paramparça yatan canlar üçün tökdüyün göz yaşların heç çıxmır ağlımdan. Mənim üçün Xocalı adı Çingizlə qoşa səslənir. Çünki nə vaxt Xocalı deyilsə, gözümdə şir ürəkli Çingiz canlanır. Milli Məclisin binası Çingiz Mustafayev xatırladır. O zalın ara pillələrində çiynində ağır kamerasıyla ANSin Çingizi canlanır gözlərimdə.
Səndən nə qədər yazsam, yenə də bəs etməyəcək. Kitab sənin həyatını yazır. Mən sadcə sənin yaddaşıma həkk olunan varlığından bəhs edirəm. Yoruma video linki əlavə edəcəyəm. Kitabı oxuya bilməyənlər belə Çingiz Mustafayevi tanısın deyə..Yatdığın yer nurla dolsun, Şəhidim!