En Yeni Hakan Yekbaş Sözleri ve Alıntıları
En Yeni Hakan Yekbaş sözleri ve alıntılarını, en yeni Hakan Yekbaş kitap alıntılarını, etkileyici sözleri 1000Kitap'ta bulabilirsiniz.
RUHUM YANDI DİKKATLİ BİR GÖZLE BAKINCA
1 'Arz itmek içün hâlimi dîvâna çıkınca
Yandım ruhuna dîde-i dikkatle bakınca
2 Çek ayagı mest itmege sâkî heves itme
Ne zevk virir başına ol şûh yıkınca
3 Cânım evine girdi o denlü sanuram yâr
Ağûşa çeküp dest-i zarâfetle sıkınca
4 Takrîr idegör derd-i dilin yâra ne kim var
Elbetde sorar dergeh-i şehde durakınca
5 Sıdkî nice lâl olmaya tanzîrine Rûhî Şi'r-i şekerim hall idüp agzına dıkınca
Sayfa 308Kitabı okudu
DERD İLE FERYÂD EDER DERMÂNIN EYLER ÂRZÛ
1 Dil-i hezâr gonca-i handânın eyler ârzû
Derd ile feryâd ider dermânın eyler ârzû
2 İstirâhat buldıgı-çün zahm-ı gamzenden şehâ
Sîne-i 'uryânımız peykânın eyler ârzû
3 İstima' ile kanâ'at zârîden gelmez dile
Öz leb-i cân-bahşı güft-ihsânın eyler ârzû
4 Yandı cânân dûzah-ı hecrinde cânım el virir
Gayrı vasl-ı cennet-i 'adnânın eyler ârzû
5 Kûşe-i mihnetde hastedir müşevveş bu dimâg
Müşg-i bûy-ı kâkül-i reyhânın eyler ârzû
6 Âfitâbın itdigi ta'cîl-i devrân gâlibâ
İntisâba devlet-i dâmânın eyler ârzû
7 Kayd-ı defter mücrim-i bâlâ olan Rûhî senin
Pâdişâhım 'afv ile fermânın eyler ârzû
Sayfa 299Kitabı okudu
AY VE GÜNEŞ UTANCINDAN BULUT İLE YÜZÜNÜ ÖRTTÜ
1 Ararken mukteza-yı tâli'im hüsni kitâbından
Ki düşdi naksa bahh nokta-ı hâli hisâbından
2 Dil-i 'uşşâkiler hecr-i hayâlin ile yanmışdır
Anın-çün havf kılmaz nâr-ı dûzahın azâbından
3 Dilerken dâmenin tutmak visâlin arzûsıyla
Kim ile taşa çaldı kendini hûrşîd şitâbından
4 Gülistân 'azmine reftâr iderken hoş-nezâketle
Görüp hûrşîd ü meh ebri nikâb itdi hicâbından
5 Eser kalmazdı sende zâhidâ da'vâ-yı benlikden
İdeydin gûş elestde yâr hitâb-ı müstetâbından
6 Be sâkî bâdeyi suruna bana var neş'e-i mestim
Ezel kandım ledün 'ilm-i ilâhînin şarâbından
7 Şikâyet itme cevr-i yârîden Rûhî nazar kıl kim
Hum içre bâde olmış âb-ı engur ıztırâbından
Sayfa 298Kitabı okudu
... BİZZAT VE ŞAHSEN İŞTE BEN
1 Ey mu'âlic bî-devâ bîmâr dirsen işte ben
Hecr ile âlûde-i efkâr dirsen işte ben
2 Zîr-i fesden gösterüp üftâdeye ey şûh senin
Kandedir bu kâkülün ber-dâr dirsen işte ben
3 Gayra eyle cûd u eltâf mey-gedeyi n'eylerem
Sâkîler bezm-i elest hüşyâr dirsen işte ben
4 Tîr-i hâmem havfını çekmez mi ceyş-i müdde'i
'Arsa-i şi'rin sipeh-sâlâr dirsen işte ben
5 Tâb-ı Rûhî'den bulur rûşen hakîkat ehl-i hâl
Dehr ile bu kadrile envâr dirsen işte ben
........ PERÎŞÂN HEP PERÎŞÂN
1 Oldukda rûh-ı dil-berinin hâl-i perîşân
Olmazdı eyâ 'âşıkının hâli perîşân
2 Meydâna sürüp şâh levend-âne semendin
Üftâdelerin itmede pâ-mâl-i perîşân
3 Hem-meclis-i gayr oldıgına bu eser isbât
Mestâne gözi kâkül-i selsâli perîşân
4 Dökdi nukatı baht husûsunda müneccim
Gördükde figân eyledi eşkâl-i perîşân
5 Eyleme gönül renc viren mâlı tedârük
Gör bâr-ı girân itmede[dir] hâli perîşân
6 'Afv olmaz ise haşrde kâbil mi hisâbı Tûl-i emelim defter-i icmâl-i perîşân
7 Rûhî bulalı râbıta bu merkez-i devrân
Gelmiş mi eyâ sen gibi ikbâli perîşân
Sayfa 293Kitabı okudu
ÖPMEDİĞİN YER KALDI MI RÛHÎ EMMİ :)
1 Dil-dâr bulup mahfîce yanagını öpdüm
Öpdüm solını şevk ile hem sagını öpdüm
2 Öpdigi içün leblerini hışma gelüp de
Gösterdi bana kabza-i buçagını öpdüm
3 Var gizlü sözüm deyü inandurdum o şûhı
Kolum tolayup boynuna buhagını öpdüm
4 Vasfında olan şi'r-i şeker-güftimi cânân
Aldı okudı remz ile dudagını öpdüm
5 Rûhî'ye mükerrer idicek lutfını sâkî
Sundı elime şevk ile ayagını öpdüm
Sayfa 291Kitabı okudu