Hakan Yekbaş

..... BU BAĞRIM VEREM SAF SAF

1 Dilim sahrâsına otagını kurdurdı gam saf saf Yine ceng ü cidâle başladı derd ü elem saf saf 2 Derûn-ı derdimin şerhin degil kâbil kılanı takrîr Sana bir bir hisâb ile gözüm döksün rakam saf saf 3 Ne çâre yandı cânım sûz-ı 'aşkından nedir tedbîr Kabûl itmez devâ toptolu bu bagrım verem saf saf 4 Fürû-ser eylemişler bunca 'âşık bende sultânım Der-i lutfunda ser-gerdân umar cûd u kerem saf saf 5 Kurulsun bezm-i 'işret meclis-i zühdî harâb olsun O meh-veş sâkîler sunsun şarâb-ı câm-ı Cem saf saf 6 Görüp üftâdelerin nûr-ı cemâlin kaş-ı mihrâbın Didi Allâhu ekber cümle kıldı re'si ham saf saf 7 Olupdur fethi müşkil bir hisâr etrâf-ı Rûhî'ye Rakîb-i nâ-sezâlar atdıgı seng-i sitem saf saf

Sayfa 254Kitabı okudu

BEJ

6ay

NA'T-İ ŞERÎF-İ TEŞEKKÜRÎ

1 Ki sensin Hazret-i Hak nâzenîni yâ Resûlallâh Kim oldun bezm-i lâhûtun yakîni yâ Resûlallâh 2 Senin teşrîfine bu mümkinât bunca mahlûkı Yaratdı nüh-kıbâbı hem zemîni yâ Resûlallâh 3 Melâ'ikden nice bin hıdmetine eyledi me'mûr Kodı vahyin içün peyk-i emîni yâ Resûlallâh 4 Yeter bu şâh-ı mürsel oldıgın i'caz 'âlemde

devamını oku

Sayfa 100Kitabı okudu

Reklam

BEJ

6ay

6. Evvelâ başıma yıkdın dil-i râhat-hânem Meskenim Kays gibi vâdî-i kühsâr itdin

Sayfa 92Kitabı okudu

BEJ

... GEMİSİNİ FIRTINADAN KURTARAN KAPTANDIR

1 Felek darb-ı sitem sengiyle ahvâlim perîşândır Şikeste-hâtırım gam kûşesinde zâr u giryândır 2 Penâh olmak bir iş mi sâhil içre 'aşk-ı 'ummandan Muhâlif bâd öninden kurtaran keştini kapdândır 3 Neden nisbet tutarsın bahr-i 'aşka zâhidâ zühdün Karanın bahre nisbet intihâsı hod nümâyândır 4 Ne haddi var ki bassun pây-ı agyâr-kûy-ı dil-dâra Gönül huddâmı tîg-ı âh ile âmâde der-bândır 5 Şükûf-ı sürh gûnı lâle sanma Rûhî kûh üzre Firâk-ı Leylî'den ol çeşm-i Mecnûn dökdigi kandır

Sayfa 229Kitabı okudu

BEJ

.... RÛHÎ GİBİ MEŞHÛR MU YOK ?

1 Bezminizde bilmezem ki mey mi yok mey-hor mı yok Mest la'l-i lebleri meh-pâreden mahmûr mı yok 2 Gamze-i hûn-hâr elinden görmedim üftâde hiç Cezbe-i hûb-rû mı yok hûbîlere mecbûr mı yok 3 Şevk u zevk ister nişân-ı ehl-i diller bezmine Âşinâ-yı mûsikî ney-zen mi yok tanbûr mı yok 4 Meclis-i ehl-i mahabbetde bu etvârın n'ola Sa'd-sîm sâkî mi yok yâhûd mey-i engûr mı yok 5 Şu'Ie-i şem'i mahabbetler neden bulmuş küsûf Yoksa baht-ı kevkeb[i] dillerde zerre nûr mı yok 6 Bunca var meh-rû cihân-ârâ müselsel kâküli Cân virüp her mûyına ber-dâr olan Mansûr mı yok 7 Bilmezem bulmuş neden bâzâr-ı şi'r ehl-i kesâd Sûk-ı 'aşk içre 'aceb Rûhî gibi meşhûr mı yok

Sayfa 258Kitabı okudu

BEJ

.... BU ŞEB ( ... BU GECE )

1 Fikr-i ruhsârıyla yârın terk-i hâb itdim bu şeb Eşk-i çeşmim bezm-i rindâna şarâb itdim bu şeb 2 Ârzû-yı vuslata açdım suturlâb vâh benim Düşdi nâkıs nokta-i bahtım hisâb itdim bu şeb 3 Nice urdum başıma hasret eliyle subha dek Hâne-i dil mülkimi kendim harâb itdim bu şeb 4 Ehl-i bezmem göm1ese mahşer 'itâbından nişân Ola câ'iz âh ile ben çok 'azâb itdim bu şeb 5 Döne döne âteş-i hicrâna karşu Rûhîyâ Göz göre pervâne-veş bagrım kebâb itdim bu şeb

Sayfa 174Kitabı okudu