En Eski Husein Muhammed Gönderileri
En Eski Husein Muhammed kitaplarını, en eski Husein Muhammed sözleri ve alıntılarını, en eski Husein Muhammed yazarlarını, en eski Husein Muhammed yorumları ve incelemelerini 1000Kitap'ta bulabilirsiniz.
Behr li beravê bêhna xwe vedide û dihêle ku heyv endamên leşê wê maç bike. Xwezî tu derya bûyayî, yar, û ez jî heyva bextiyar.
Sayfa 16 - diwanKitabı okudu
Êdî tenê dengvedana xemgîn li binê daran dikinkine.
Sayfa 17 - diwanKitabı okudu
Kulîlk li ber kenê rûyê te direcifin.
Sayfa 25 - diwanKitabı okudu
Bêhiş im, bêçare li asoya tarî ya esmanan dinêrim.
Sayfa 30 - diwanKitabı okudu
Çeng û baskên me hatibûn kokirin, dinyayê em perçiqandibûn, xwedayan em ji bîr kiribûn, tenê stêrên şar şahidên me bûn.
Sayfa 31 - diwanKitabı okudu
Ev e evîn, bêpar ji xweşiyan. Şeva bêdestpêk, bêdawî, kûr dibe, ta taliyê derî li navbera me tê girtin.
Sayfa 59 - diwanKitabı okudu
Behsa Leylayê Dikin
Pêjnên bêdengiyê,
axînên tarîtiyê.
çendî bi tenê bim.
pirrtir ji min re tê peyivîn.
Mirrîna dirrindeyan li hingura êvarê,
bi şev
canê min
di nav daristanên tarî re meşî
di ser çeman re derbas bû
kar bû deryayan
li nav baranê
li xanîkê te gerrî
û gihişt odeya te bêyî derî vebe
çok da ber doşeka te
li te ya di xew nerî
lêv nîv-vekirî bûn
sîng bi bêndanê re bilind dibû
pirça xelekî li ser balguhî bû
pirç xelekî
çav miçandî
bê pêjn
lêv dûkêlî dikêşin dilî
canê min min
qurbanî lêvên te be
dilê min
bikeve torra porrê te
bixeniqim çavên te
Carekê
li vê jiyanê yan di xewnê
min basa evînê dikir.
Tên bîra min ew helbest
yên tê de yekî basa evînê dikir
- min yan kesek din -
û bawer dikir, bi xwe dida bawerkirin
ku evîn xwişka bedewiyê ye
û evîndar bi maçan dijîn.
Min nedizanî,
yan kesek din nedizanî,
ku evîn jan e,
giyanê dihelîne
daku duyan bike yek.
Pelatînk
xwe diavêje nav agirî
û dişewite
daku bi xwe jî bibe agir.
Maç kesî ji mirinê ranake
lê dikuje.