Nigar Rəfibəyli Gönderileri
Nigar Rəfibəyli kitaplarını, Nigar Rəfibəyli sözleri ve alıntılarını, Nigar Rəfibəyli yazarlarını, Nigar Rəfibəyli yorumları ve incelemelerini 1000Kitap'ta bulabilirsiniz.
Bir son bahar da düşdü
ömrümün təqvimindən,
Nə sənə məhəbbətim,
nə həsrətim azaldı.
Özüm də heç bilmirəm
niyə bir ömür boyu
Gözüm uzaq yollarda -
sənin yolunda qaldı.
Biz
yuxuda durna oluruq
gecələr,
Uçuruq uça bildikcə,
Uçuruq diyar-diyar...
Uçuruq - qəlbimizdə
Torpaqdan aldığımız
Ən şirin,
Ən incə,
Ən sevimli arzular.
Men gülende gülüb,
Ağlayanda gözümü silen, -
Menim doğma vetendaşımdır o,
Yoldaşım,
sirdaşım,
Qardaşımdır o.
Sevirem candan,
Men seni sevirem, insan!
Gəlsən ölərəm
sevincdən, səadətdən,
Gəlməsən ölərəm
qəmdən, həsrətdən…
İndiki ölümüm
yaşayır səndə,
Nə fərqi var, əzizim,
Gəlsən də, gəlməsən də.
Sən dağdan axan bulaq kimisən
Təmiz, şəffaf, dərin...
Nə yaziq, nə yaziq ki,
əzizim,
Bulaq suyu kimi
soyuqdur gözlərin...
Əlvida, otağım, mavi dənizim,
Əlvida, qumlarda görünən izim.
Yollara tökülən xəzəl, əlvida,
Soyuq təbiətli gözəl, əlvida.
Dənizdən xoş əsən həzin rüzgarım,
Sahilə düzülən qağayılarım,
Suda qanad açan yelkən, əlvida…
Sabah ayrılıram sizdən, əlvida…