En Eski Nizami Gəncəvi Gönderileri
En Eski Nizami Gəncəvi kitaplarını, en eski Nizami Gəncəvi sözleri ve alıntılarını, en eski Nizami Gəncəvi yazarlarını, en eski Nizami Gəncəvi yorumları ve incelemelerini 1000Kitap'ta bulabilirsiniz.
Yaradanın təkliyi haqqında
Qasid kimi gəldin ordan bura sən,
Burdan keç ki, yenə ora yetəsən.
Çox asan görünər dərk etmək onu,
Lakin heyrət olar bu işin sonu.
Böyük Yaradanı duymağa meyar,
Dəlildən, qiyasdan başqa nə olar?!
Yaradanın təkliyi haqqında
Ağıl qiyas ilə çalışıb durar,
Onu dərk etməkçün dəlil axtarar.
Düşüncənə daha yol vermə artıq,
Qarşına ya dağ çıxar, ya da qaranlıq.
İdrakın çatırsa vahid Allaha,
"Nədir və necədir?" - soruşma daha.
İşıq axtardığın alovlu şamdan,
Onun təkliyinə sübut taparsan.
Gah qara torpaqdan reyhan yaradır,
Gah sudan bizimtək bir can yaradır.
Bizə ağıl verdi tanıyaq onu,
Bəsirət verdi ki, tutaq yolunu.
Yaradılışı dərk etmək haqqında söz
Boş-boşuna deyil bunca hərəkət,
Bir məqsədi vardır onların, əlbət.
Hər bir hərəkəti törədən vardır,
Ağıllı insana bu aşikardır.
Qarı cəhrəsınə bax, qiyas apar,
Fələk çərxini də bir hərlədən var.
Başlanğıc hərəkət olmasa əgər,
Hərəkət edərmi bir cəhrə məgər?
Yaradılışı dərk etmək haqqında söz
"Hər şeydən üstündür səbəb" deyirkən
O böyük qüdrəti sən kiçildirsən.
Varlığın əvvəlki əgər səbəbsə,
Bəs səbəb pünhandır neçin hər kəsə?
Yaradılışı dərk etmək haqqında söz
Əgər od, su, torpaq, bu əsən külək,
Bir yerə toplaşsa uyğun gələrək,
O böyük Tanrıdan olmasa fərman,
Məlumdur ki, gəlməz vücuda bir can.
Kitabın tərtibi və eşq haqqında bir neçə söz
Polad kimi bərkit qızıl sözü sən,
Salsın söz sikkəsi pulu qiymətdən.
Dəmirçi kimi bərkit qızıl sözü sən,
Sonra cilalandır, gün kimi parlat.
Boş, mənasız sözlər kimə gərəkdir?
Kim belə sözləri dinləyəcəkdir?
Sözü nəzmə çəkmək asandır, asan.
Gərək söz üstündə sən can qoyasan.
Kitabın tərtibi və eşq haqqında bir neçə söz
Sözündə çoxluğa qoyma yer olsun,
Birim yüz olmasın, yüzün bir olsun.
Su artıb həddini aşarsa əgər,
İçəni doydurmaz, mütləq qərq edər.
Bədəndə həddindən artıq olsa qan,
Neştərlə tökərlər onu damardan.
Az danış, desinlər sözündə güc var,
Çox sözü dinləyən az nöqsan tutar.
Çox söyləmək bəlkə sənə asandır,
"Çox oldu" desələr böyük nöqsandır.
Kitabın tərtibi və eşq haqqında bir neçə söz
Eşqin qulu ol ki, doğru yol budur,
Ariflət yanında, bil, eşq uludur.
Bu dünya eşqdir, qalan fırıldaq,
Eşqdən başqa şey boş bir oyuncaq.
Eşqsiz oısaydı xilqətin canı,
Dirilik sarmazdı böyük cahanı.
