Nüsret Kesemenli Gönderileri
Nüsret Kesemenli kitaplarını, Nüsret Kesemenli sözleri ve alıntılarını, Nüsret Kesemenli yazarlarını, Nüsret Kesemenli yorumları ve incelemelerini 1000Kitap'ta bulabilirsiniz.
Mən səni unuda bilmirəm, axı
Unutsam nələri unudam gərək
Göylərə baxmışıq aylı gecədə
Unutsam göyləri unudam gərək!
Dənizi unudum, ya dalğaları?
Xatirən yadımdan çıxaydı barı
Payızda xəzanı, qışdasa qarı
Baharda gülləri unudam gərək.
De, necə unudum mən səni, necə?
Sevgi durna deyil payızda köçə
Yuxuma gəlirsən mənim hər gecə
Ayları, illəri unudam gərək!
Sənin xəyalındır həsrətlə baxan
Adındır hər saat qarşıma çıxan
Qarışıb şəklinə gözümdən axan
Yağışı, selləri unudam gərək!
Sinəmdə peşiman ürəyim qaldı
Uçdun əllərimdə lələyin qaldı
Nələri itirdim, bax nəyim qaldı
Nələri, nələri unudam gərək
Nüsret Kesemenli
Mən bulaq tək quruyub,
Sən gül kimi solaydın,
Gərək ya mən öləydim,
Ya sən dəli olaydın…
O sevgi yuxu idi,
Gərək ayrılmayaydıq.
Biz elə görüşmüşdük,
Belə ayrılmayaydıq.
Görən, kim gecikibdi?
Görən, kim tələsibdi?
Vüqarımız dağ olub,
Yolumuzu kəsibdi.
Yalanınla ömrümdə
Ömrü boyu qalansan.
Nə mən yaddan çıxanam,
Nə sən unudulansan.
Nüsret Kesemenli
Biri var idi biri yox idi
Vaxt gələcək bu günü görəcəksən,
Çox suala gözünü döyəcəksən.
Vaxt gələcək sən özün deyəcəksən,
Deyəcəksən: "biri vardı, biri yox!" Nüsret Kesemenli
Məndən istəsəydin əgər eşqimi,
Dünyamı bir həzin nəğmə edərdim.
Bir gün Puşkin kimi, Lermontov kimi
Səninçün dueldə ölsəm, nə dərdim?..🍃
Nüsret Kesemenli
Nə biləydik bu sevginin sonu yox,
Nə biləydik dünya bele dönecek.
Nə biləydik sevgi adlı bu qonaq
Üzümüzə baxa-baxa öləcək...
Min əzabdır sənsiz keçən hər günüm,
Unutmuşam yaxşı, yaman fərqini.
Bu sevginin dağ əridən dərdini,
Mən çəkərəm ikimizin yerinə.