Hakkında
Molla Əhməd Nəraqi 1185-ci hicri qəməri ilində Kaşan şəhərinin yaxınlığında yerləşən Nəraq məntəqəsində dünyaya göz açmışdır. O, din alimlərinin böyüklərindən olub fiqh, üsul, hədis, rical, nücum, riyaziyyat, ilahiyyat elmləi, ədəbiyyat və şeirdə dərin biliyə və məharətə sahib idi. Molla Əhməd Nəraqi zahid və təqvalı bir şəxs kimi şöhrət qazanmış və gözəl əxlaqı dillər əzbəri olmuşdur. Onun üçün fəzilət olaraq sadəcə bunu qeyd etmək kifayətdir ki, xatəmul-fuqəha Şeyx Mürtəza Ənsarinin ustadı olmuşdur.
Onun müxtəlif sahələrdəki dəyərli əsərləri hərtərəfli elminin göstəricisi olub həm öz zamanında, həm də sonrakı dövrlərdə alimlərn diqqət mərkəzində olmuşdur. Belə ki, "Urvə" əsərinin müəllifi olan böyük fəqih Seyyid Kazım Yəzdinin həmişə müraciət etdiyi 3 fiqh kitabından biri Mərhum Nəraqinin "Müstənəd" kitabı olub.
Nəraqi lətif ruha və və incə zövqə malik idi. Çoxlu irfani və əxlaqi şeirlər yazmış, "Divane əşar" və "Təqdis" iki divan şəklində çap olunmuşdur. Molla Əhməd Nəraqi öz təhsilinə əvvəlcə Kaşanda atasının yanıda başlamış, bir müddətdən sonra özü dərs verəcək səviyyəyə çatmışdı. Sonra İraqa gedərək Muhəmməd Baqir Vəhid Bəhbəhaninin dərslərindən bəhrələnir. Daha sonra müqəddəs Nəcəf şəhərində Seyyid Bəhrul-ulum və Şeyx Cəfər Nəcəfi Kaşiful-ğitanın, Kərbəlada isə Mirzə Muhəmməd Məhdi Musəvi Şəhristani və Seyid Əli Təbatəbainin şagirdi olmuş və məşhur qarilərdən biri kimi püxtələşərək Nəraqa qayıtmışdır.
Unvan:
şeyx
Doğum:
Nəraq
Okurlar
6 okur beğendi.
13 okur okudu.
15 okur okuyor.
67 okur okuyacak.
2 okur yarım bıraktı.
Kitaplar
Sözler ve Alıntılar
Ö𝐯𝐥𝐚𝐝ı𝐧 𝐪𝐞𝐲𝐫ə𝐭𝐢𝐧𝐢 çə𝐤𝐦ə𝐤 𝐯ə 𝐨𝐧𝐮 𝐭ə𝐫𝐛𝐢𝐲ə𝐥ə𝐧𝐝𝐢𝐫𝐦ə𝐤
Bir qədər böyüyüb yaxşını pisdən ayıra bildikdə ona gözəl insanların əxlaqını, yemək-içmək, danışmaq, oturub-durmaq qaydalarını və s. öyrətmək lazımdır. Uşağa başa salmaq lazımdır ki, yeməyi sağ əli ilə yesin, yeməyə başlamazdan qabaq bismillah desin, öz yaxınlığındakı şeylər qala-qala kənardan götürməsin, süfrəyə başqalarından qabaq əl uzatmasın, yemək yeyərkən başqalarının yeməyinə və eləcə də onların üzünə baxmasın, tələsik yeməsin, tikələri yaxşı-yaxşı çeynəsin, əllərini və paltarını yeməyə bulaşdırmasın, çox yeməsin, qarınqulu olmasın.
Uşağa öyrətmək lazımdır ki, düz və fikirləşərək danışsın, onunla danışanı yaxşı dinləsin, özündən böyük gəldikə ayağa qalxsın, bütün hərəkətlərində təmkinli, vüqarlı olsun. Onu pis uşaqlarla yoldaşlıq etməkdən çəkimdirmək lazımdır. Bax budur əsl ədəb. Qorxutmaq lazımdır ki, başqalarından heç nə almasın. Başa salmaq lazımdır böyüklük verməkdədir, almaqda deyil.
Bir qədər də böyüdükdən sonra uşağa gözəl əxlaq öyrətmək lazımdır. Onu fəzilətlərə yiyələnib qəbahətlərdən çəkinməyə həvəsləndirmək, səbr, şükr, təvəkkül, şücaət, səxavət, düzgünlük, səmimiyyət kimi fəzilətləri aşılayıb həsəd, ədavət, paxıllıq, təkəbbür, oğurluq, xəyanət kimi pis işlərə qarşı ikrah hissi oyatmaq məqsədəuyğun sayılır.
"Zahiri paklığa fikir verib batini paklığa əhəmiyyət verməyənlər eynilə üzü bəzədilsə də, içərisində çürümüş meyit yatan qəbrə və ya içərisi zülmət qaranlıq olub damında işıq yandırılan evə bənzəyər."
Sayfa 13Kitabı okudu
Təvazökar şəxs təkəbbürlü olanlara qarşı təvazökarlıq etməməlidir. Təkəbbürlü olanlar qarşısında təvazökarlıq etmək insanın özünü alçaltması deməkdir. Belə təvazökarlıq əslində insanın özünü alçaltması deməkdir. Eyni zamanda təkəbbürlü olan şəxsin daha da azğınlaşmasına gətirib çıxarır. Əgər təkəbbürlü şəxs qarşısında təvazökarlıq edilməsə, o, öz səhvini başa düşüb təkəbbürdən uzaq olmağa çalışar. Məhz bu səbəbdən həzrət Peyğəmbər(s) buyurmuşdur ki, ümmətimin təvazökarları qarşısında təvazökarlıq edin, təkəbbürlülərə qarşı isə siz də təkəbbürlü olun ki, qoy alçalsınlar.
Sayfa 165
“Cəhənnəm əhli dörd qrup insandan əziyyət çəkəcək ki, onlardan biri də dünyada söyüş söyən şəxsdir. Onun ağzından ara vermədən irin axacaq.”
“Nə dediyinə və onun haqqında nələr deyildiyinə fikir verməyən adam gördükdə bilin ki, o ya vələdi-zinadır, ya da nütfəsi şeytanın nütfəsi ilə qarışmışdır..”
“Allahın ən pis bəndələrindən biri də o şəxsdir ki, söyüş söydüyünə görə camaat onunla yoldaşlıq etmək istəmir.”
Hz Muhəmməd (s)
Həzrət Peyğəmbər (s) buyurur: “Ehtiyacınızdan artıq yemək toplamayın, ehtiyacınızdan artıq ev tikməyin, gec-tez əlinizdən çıxacaq (və ya ayrılacağınız) şeyə bağlanmayın və bir-birinizə həsəd etməyin!”
Sayfa 200Kitabı okudu
İletiler
Mərhum ayətullah Behcətdən; Səadətə çatmaq üçün nə tövsiyə edirsiniz? deyə sual edildikdə, belə cavab vermişdir: Hər gün, çox dəyərli "MERACUS-SƏADƏ" kitabından yarım səhifə oxuyub, ona əməl edin.
Meracus Səadə
Şeyx Əhməd Nəraqi
@Name_Huseyni_kitap_qurdu_313
Yorumlar ve İncelemeler
