Sultan Məcid Qənizadə Sözleri ve Alıntıları
Sultan Məcid Qənizadə sözleri ve alıntılarını, Sultan Məcid Qənizadə kitap alıntılarını, Sultan Məcid Qənizadə en etkileyici cümleleri ve paragragları 1000Kitap'ta bulabilirsiniz.
Varlıqda rəzilləri əziz edən, yoxluqda əzizləri rəzil edən, verməkdə düşməni dost edən, almaqda dostu düşmən edən yenə həmin özüdür!.. Qıpçaqda qırğız, Həbəşdə qara, Hicazda ərəb, İraqda əcəm, Rumda türk, Turanda türkmən, Qumuqda ləzgi, Krımda tatar hamısı pula səcdəçi olduqlarında millət, məzhəb, insaf, mürvət, irz və namus hamısı həmin pula qurbandır!.. Ax, üzüqara pul!
Dünyada hər bir mərəzə əlac varsa, cəhl mərəzi üçün hərgiz müalicə yoxdur. Hərçənd buyurmuşlar ki, cəhalət zəhərinin müslihi mərifət tiryəkidir, amma mənim rəyimlə cəhl edən kişi istifraqçı bir mərizə bənzər ki, məzacı heç bir davanı qəbul etməz... Cəhl ruhun cünunluğudur ki, mərifət təvizi onu qaytarmaz. Qəsavət ruhun korluğudur ki, hidayət təcəllası onu sağaltmaz.
Elm və mədəniyyətdən məhrum qalmış yazıcaq qardaşlarımız özləri üçün cəhli adət etmişlər ikən, qəsavət olar üçün təbiət olmuş. Hala köhnə mərəzlər qoca cəsəddən çıxmayan kibi olar üçün daha nicat yoxdur...
- Xanım əfəndi, səhv edirsiniz. Sizin kibi gözəlin bir telin Katerina kibi min madmazelə dəyişməzəm.
- Bəsdir, Allah xatirinə!.. Sizlər kompliment söyləməyi adət
edibsiniz, amma komplimentə mənim hərgiz ehtiyacım yoxdur.
- Kompliment deyil, xanım... ürəyimin əsil mətləbidir ki, izhar edirəm.
- Doğru?
- Bəli, doğru.
Hədis vardır: "Əl-vələd sirrü əbihi, vəl-bint sirrü ümmihi", yəni oğul öz atasının və qız öz anasının şəbihidir. Sibyan göz açıb ibtida öz ata-anasından ibrət götürərkən əksər övqat onlar əxlaqda olurlar.
Hər kəs öz mal və dövlətindən zəkat verər, əhli-maarif zümrəsinə hesab olunan müəllimin hədiyyəsi kitabdan səvay əlahiddə şey ola bilməz. Müəllimin ağ və qızılı bəyaz üstündə qələm qarasıdır...
"Bəli, dünyada dövlət təkcə mal və qızıl varlığı ilə deyil, bəlkə hər bir övsafi-həsənə dövlət hesab olunur: səxavət, şücaət, dəyanət və hakəza qeyri sifəti-məmduhə və əxlaqi-həsənə hamısı Allah-təalanın nemət və ətalari olduqda insan üçün zatən böyük dövlət və bəlkə dövləti-əslidirlər... Aləmi-cismanidə kəsb olunan filizat hərçənd dövlət hesab olunurlarsa, lakin arizi olduqlarına görə dövləti-ariyə adlanırlar, çünki şəxs dünya mülkünə sahib olmaqlığı müvəqqətən fani şərtlərə bağlı olduğuna görə, ağalıq ixtiyarı müdavimətlə baqi ola bilməz, amma ruh dövləti, yəni din qüvvələri zati-insanidə təbii olduqlarına görə dövləti-əbədi və ya dövləti-əsli adlanırlar, çünki ruh kəsb edən qüvvələrə şəxsin özündən savay əlahiddə bir məxluq malik ola bilməz və olmağa təsəllütü yoxdur. Ruha məxsus dövlət xudadadi gözəllik misalındadır ki, şürutə ehtiyacı yoxdur..."
Şeyda bəyin təsəvvürünə görə, köhnə qərinələrdən qalma eyibləri yox edib xalqın üzünə çırpmaqdansa, əsrimizdəki qaideyi-məmduhəni qalxan edib xalqı cəhalətdən mühafizət etmək əfzəlraqdır. Şeyda bəyin ləfzən dediyi sözdür: "Qaranlıqda gəzmək ilə heç nə görüb göstərmək olmaz... İşıq gətirməlidir! İşıq gələndə zülmət öz-özündən məhv olar və onunla belə, hər şey öz rəngində görünər".
İmdiyəcən kəsb etdiyi bilikləri mütaliə yolu ilə təkmilə çatdırıb, əql və ruhin günbəgün mərifət zivəri ilə sərvətləndirir.
İnsafən müəllimlik təklifi ağır təklifdirsə, müəllimlik şəni həm uca şəndir. Müəllimlik hər bir əsrdə ağır olubsa, bu əsrimizdə dahaca ağırraqdır !
Əsrimiz bir əsrdir ki, gündüzlər qiraət, gecələr kitabət müəllimlər üçün din borcudur.
"Məktubati-Şeyda bəy Şirvani"Kitabı okudu
Məşhur adamlardan birisi deyibdir ki, bikarçılıq hər bir fitnə-fəsadın anasıdır.
Şükür sənə, ya Rəbb! Kainatı gözəl yaratdığında, Dan ulduzun kainat içrə hamıdan gözəl yaradıbsan!
İman lövhəsində təcrübə qələmi ilə səbt olunubdur ki, hər bir ürək nagüvarlığının müalicəsi məhz dua və istiğfar davasına münhəsirdir.
Bərgi-dirəxtani-səbz dər nəzəri-huşyar,
Hər vərəqi dəftərist mərifəti-kirdgar.
(Ağıllı adamın nəzərində yaşıl ağacların yarpaqlarının hər biri Allahı tanıtdıran bir dəftərdir.)
Müəllimin evi məktəbxanadır, müəllimin nökəri məktəb mülazimidir, müəllimin təvabe və ətbari çocuq-şagirdlərdir, müəllimin müxəlləfatı qara-qura məktəb mizləridir, müəllimin sazı, nəğməsi məktəb şagirdlərinin sədasıdır, müəllimin istirahəti dəftərlər təshihidir. Müəllimin mal və mətaı dərs və təlimdir, müəllimin kəsb və icrəti öz millətinin məhəbbət və iradətidir...
Hünərli ustad xam dəmirdən səbirlə misri qılınc yapa bilərsə, yaxşı müəllim kəctəb millətdən xoşəxlaq cəmiyyət hazırlaya bilər !
Sayfa 33 - " Məktubati- Şeyda bəy Şirvani"Kitabı okudu