Salam Qədirzadədən oxuduğum ikinci kitabıdır. Axıcı əsərdir. Ümumiyyətlə, Salam Qədirzadənin qələmi həlimdir. Belə kitablar üçün adam darıxır. O qədər doğma gəlir ki cümlələr. Adlar, işlədilən ifadələr – hamısı dilimizdə gündəlik istifadə edilən frazalar olduğu üçün belə əsərlər bizi tilsimləyir.
Mən düşündüm ki, bu, real olmuş hadisədir. Amma Könülün doğum tarixinin S.Qədirzadəninki ilə eyni olması (aprelin 10-u) məni çaşdırdı. Hər nəysə, Könülün hiss etdikləri, əslində, hamımıza yad olmayan duyğulardır. Eşqin gözü kordur, necə deyərlər. Könülü Eminlə görmək istəyərdim. Əslində, Könül 1 səhvi ilə tamamilə həyatını sıfırdan qurdu. Məncə, o, bu səhvi etməli idi ki, istədiyi mövqeyə çatsın. Əgər real hadisə imişsə, ümid edirəm ki, Könül həyatının geri qalanında çox xoşbəxt olub.
Zənnimcə, "Qış gecəsi" bu əsərə nisbətdə daha güclü idi.
