Havva Taghizada
@Avai
Arkadaşın olmadığı zamanlarda kitaplar arkadaşın olsun.
82 okur puanı
Eylül 2019 tarihinde katıldı
Şu anda okuduğu kitap
Ruhumun azadlıqla gücləndiyini və dərinləşdiyini hiss edir, beləliklə də, qocanı anlamağa başlayırdım. Anlayırdım ki, ruh böyük qüvvədir və o, azad olmalıdır. Onu hansısa fikirlərin, sistemlərin və ideologiyaların çərçivəsinə salsan, boğular. Ruhu ölü insan isə, sadəcə, bioloji həyat sürüb fiziki varlıq göstərir - digər canlılarda olduğu kimi. İnsan kimi canlı qalmaq isə ancaq içində daşıdığın o zərif və dərin ruhla mümkündür. Ruhumu yenidən qazandığım üçün çox xoşbəxt idim.
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Mən həyatı həyatın özündən öyrənməyə çalışmışam – görməklə, anlamaqla və müşahidə etməklə. Fəlsəfəmin mənbəyi – həyatdakı səhvlərim və on-lardan aldığım dərslərdir. Vaxt gələcək və mənim yaşıma çatanda geri dönüb yaşadıqlarına baxaraq sən də eyni şeyləri deyəcəksən. İnsanın həyatındakı ən böyük müəllimi – yaşadıqlarıdır
Dünya ancaq dövlətlərdən və onların qoyduğu qanunlardan ibarət deyil. Dünya, dövlətlərin sərhədlərinə sığmayacaq qədər nəhəng dünyadır. Bu dünyada görə bildiyin və bilmədiyin hər şey bir tamdır - ulduzlar, səhralar, dənizlər, kəndlər, şəhərlər, insanlar, heyvanlar, düşüncələr, duyğular, kitablar, nəğmələr və sairə. Bunların hamısı o böyük bütövün kiçik parçalarıdır. Biri olmadan, bütün kamilləşməz və tamamlanmaz. Bax biz insanlar da o tamın zərrəsiyik və həyatımızda həmin tama aid olmağın məsuliyyətini daşımalıyıq. Həyatımızın mənası hansısa dövlətin sərhədlərinin içərisində məhdudlaşmayacaq şəkildə dərin olmalıdır, böyük olmalıdır. İnsanın həyatının mənası özündə tamı və onu təşkil edən zərrəcikləri də əks etdirməlidir. Çünki zərrəciklər bir-biri ilə gözəgörünməz rabitə ilə bağlanıblar və aradakı bu rabitə qırılarsa, həyatın mənası da zərər görər.
Bu tələlərdən uzaq olmaq üçün nə etmək lazımdır? – deyə maraqla soruşdum.
Cavabı çox bəsitdir, dedi. - Ehtiyaclarını düzgün müəyyən etməlisən. Qızıl kimi parıldayan hər yerli-yersiz istəyin arxasınca qaçmamalısan. Nəfsinə “yox” deməyi bacarmalısan! Bir də ki, insanlarla ünsiyyətinə diqqət et. Zənginlik ətrafındakı insanların keyfiyyəti ilə ölçülür, topladığın əşyaların kəmiyyəti ilə yox.
Bizlər gündəlik dolanışıq kimi sadə ehtiyaclarımızın dalınca qaçırıq. Onlar isə ehtiyaclarla qǝnaətlənmirlər, min cür istəyin izinə düşürlər. Bax aramızdakı fərq budur. Ehtiyaclar təmin olunanda insana xoşbəxtlik verir. İstəklərin isə sonu yoxdur və hamısı təminolunmazdır. Dəniz suyu kimidir istəklər, içdikcə insanı yandırır. Təmin olunmadığı üçün də insana bədbəxtlik və kədər hissləri gətirir. Mənim xoşbəxtliyim dəvəmin və ya keçimin hər gün süd verməsi və səhər-səhər bu südü əziz qarımla bir yerdə içə bilməkdir. Səhər oyanarkən dəvələrimin zınqırovlarının səsini eşitmək və ya qarımın hənirtisini duymaq... Budur mənim ehtiyacım. Bu ehtiyaclar təmin olunduğu müddət boyunca mən xoşbəxt olacağam. Mən indi səhrada azad həyat yaşayıram. Səhra mənim evimdir. Evim bağdadlıların balaca daxmalarından və dar küçələrindən daha geniş, daha böyükdür. Çadırımı səhranın istənilən yerində qurmaq azadlığım var.