1889-cu ildə mal-mülksüz qalmış "Böyük düzənliklər"in hindliləri arasında "Xəyal rəqsləri" adlı bir hərəkat başladı. Bunu bəyan edən peyğəmbər hindlilərə dedi ki, əgər onlar uzun və kifayət qədər güclü rəqs edərlərsə, ağ adamlar həmişəlik yeni torpağın dərin qatlarına gömüləcəklər. Hamı gedəcək! İşğalçılar məhv ediləcək! Sonra vəhşi at və bizon sürüləri pıçıldaşan otlar arasında yenidən dolaşmaq üçün düzənliyə dönəcəklər. Və indiyə kimi var olmuş bütün hindlilər həyata dönəcək və onlarla birlikdə Cənnətdə yaşayacaqlar.