Narmin Mammadova
@Nemonarmin
19 Haziran 1998
8 okur puanı
Ekim 2025 tarihinde katıldı
Şu anda okuduğu kitap
Yaxşılıq da yerini tapmayanda zərər olur
Moti (pişiyim) həyatıma girəndə anladım ki, biz onları seçmirik, onlar bizi seçir. Bugün isə kitabların da oxşar yolu seçdiyini anladım. Stefan Zweig "Bir kadının yaşamından 24 saat" bu kitabı hardan, nə vaxt, niyə aldığımı bilmirəm ancaq 24 saatdan da az müddətə bitirdiyimi deyə bilərəm. Mütləq oxuyun, möhtəşəmdir demərəm açığı. Amma mesajı çox gözəl idi, ən azından mənim özümə dərs götürdüyüm hissə.
Günümüzdə insanlar ən çox qarşılıqsız mənəvi dəstəyə möhtacdır məncə - bir dinləyici, ağlamaq üçün bir çiyin, yıxılanda durmaq üçün bir dəstək, ya da sadəcə yanında oturub susacaq bir insan. Ancaq təəssüf ki, insanlar artıq kiminsə qarşılıqsız nəsə edəcəyinə o qədər inanmır ki, bu xoşniyyət yanlış anlaşılır. İnsanların yanında olmaq istərkən bu incə xətti tutmaq hər zaman mənim üçün çətin olurdu, ancaq Bayan C. o incə xəttin harda olduğunu təcrübə ilə öyrənib: "Qarşındakı bunu səndən istəyibmi?" İstəməyibsə bu sadəcə sənin öz ruhunu xoşbəxt etmə addımındır.
PS. Sizdən istənilməyən və gözlənməyən yaxşılığın sizə pislik olaraq qayıtma ehtimalı olduğunu unutma.
Reklam
Gözlənməyən cavab
ARFID adlanan, yemək davranışı ilə bağlı psixoloji bir narahatlıq halı var. Bu insanların hər zaman "safe food" deyə ayırdıqları qidaları olur və bu qıda onlar üçün hər an, hər yerdə, hər şəraitdə əl çatan olur ki, həm həddindən artıq aclıq yaşamasınlar, həm də çıxılmaz halın qarşısı alınsın. Dan Brown mənim üçün "safe food"-dur. Oxuyanda heyran olacağıma və ruhumun doyacağına əmin olduğum tək mənbədir. Ancaq təəssüf ki, hər gözəl şeyin bir sonu var. Birgün bütün Dan Brown kitablarını oxuyub bitirəcəyimi bildiyim üçün illər öncə özümlə bir şərt kəsmişəm. İLƏ 1 KİTAB. Hətta bəzi illər təkrar geriyə dönüb təkrar eyni kitabı və ya başqa dildə olan versiyasını oxumaq. Bu il yeni kitab "Secret of secrets"-in çıxmasını fürsət bilib yeni kitabı oxumağa özümə icazə verdim. İtirilmiş Simvol. Həmişəki kimi Dan Braunun möhtəşəm söz oyunları, ağılalmaz bənzətmələri, heyran qalınacaq dərəcədə möhtəşəm araşdırmaları və təbiki hər növbəti başlıqda yaşatdığı "ola bilməz" hissi. Bəzən yazdıqları sadəcə bir kitab üçün araşdırma və əlaqələndirilmiş faktlarmıdır yoxsa gərçək anlaya bilmirəm.
P.S.Elə bir sirr yoxdu ki, nəhayət aşkar olmasın və gizlində olan heç nə yoxdur ki, üzə çıxmamış olsun.
Onun 2 nağılı vardı. Biri özünündür...
Kitabın ilk 20 səhifəsində əsəbləşməyə başladım, çünki ne məktəbdə, nə universitetdə, nə də 27 illk həyatımda Şahmar kimi birini tanımamışdım və mənə mümkünsüz, həddindən artıq şişirdilmiş bir qəhrəman kimi gəldi. Sonra anladım ki, biz dünyanın yaxșı tərəfini görməyə çalışırıq. Amma hərgün küçələrdə, ușaq evlərində, həbsxanalarda yüzlərlə belə ușaq, belə insan məhv olur. Niyə? Çünki biz onları həyata qaytara bilmirik. Qaytarmaq istəmirik. Amma o insan sevdiyimiz, dəyər verdiyimiz biri olsa əlimizdən gələni edərik yəqin ki. Deməli seçici yanaşırıq. Açığı kitab o insanları necə həyata qaytara bilərik demir, ancaq onların var oluşunu və onlara nece davranmamalıyıq onu göstərir. Mən tabuların danışılmasını sevən biriyəm, elə bir "ayy ayıbdır o haqda danışma" və ya "o forma danıșma" deyən biri deyiləm, ancaq kitabın bəzi jarqonları mənə belə artıq gəldi), Yenə hər anımıza şükür etməyi xatırlamamız üçün oxumağa dəyər bir kitabdır.
Kitabdan bir neçə cümlə qalsın burda:
1. "Müəllimlər günündə hamı 20 manat verəndə mən 10 manat verdiyim üçün uşağımdan acıq çıxır"- məktəb vaxtı ən çox güldüyüm cümlə idi. Bir də sinif rəhbərinin yanına hazırlığa göndərmək
2. "Valideyn olmaq, ana olmaq uşağı dünyaya gətirmək deyil. Ömrünü ona sərf etməkdir"- bunu anlamadan cəmiyyətə uşaq gətirilməməlidir. O uşağa bunları yaşatmağa haqqınız yoxdu.
3. "Twenty years from now you will be more disappointed by the things that you didnt do than by the ones you did do. Sail away from the safe harbor. Explore. Dream. Discover".
4. "Toylarda qulağına verdiyin əziyyətlə ölçülür toy sahibinə yaxınlığın" - Allah bizi səhnəyə yaxın otuzdurulduğumuz toylardan qorusun
5."Həmin gün elədliklərimin qarşılığını alacağım gün idi. Belə günlərdə insanın qarşısında iki seçim olur. Birincisi, səhvlərini başa düşüb
Cogito, Ergo Sum
Əgər düşünməyi və analiz etməyi sevirsinizsə, bunun düzgün metodikasını anlamaq istəyirsinizsə, bu kitabı mütləq oxuyun. Əslində bilirəm dediyiniz onlarla duyğunu əslində bilmədiyinizi, gündəlik həyatımızın bir hissəsi olan hadisə və proseslərə əslində başqa prizmadan da baxa biləcəyinizi və düşünməyə kifayət qədər vaxt ayırmadığınızı anlayacaqsınız. İnsanın özü ilə tək qalıb bəzi şeyləri sorğu-sual etməsinin şirin dadını bilənlər bu kitabı çox sevəcək.
Ancaq qısa bir not. Kitab biraz dərindi. Üzməyi bilməyənlər boğula bilər. Və bir də, kitabı oxuduqdan sonra bir müddət kitabın təsirindən çıxa bilməyəcək, ətrafınızdakı hər şeyi iki dəfə sorğulayacaq, iki dəfə düşünəcək, hər cür ziddiyyəti analiz edəcəksiniz.
Orxan bəyin youtube-də maraqlı video və müzakirələri var. Kitabı oxuduqdan sonra onlara da nəzər yetirmənizi məsləhət görürəm.
Özümə aldığım bəzi notları da bura düşürəm. Lazım olarsa buyurun:
1. Qızıl ortada olmaq ən gözəlidir. Həm inkişafa yerin var, həm de düşəndə 0-dan aşağı
düşmürsən
2. "Həyatda hərşey zəhərdir. Önəmli olan dozadır"
3. Freyd və dovşan hekayəsi
4. introspeksiya deyə bir ifadə var imis və hər kəsə nəsib olmurmus. 1-0 öndəyəm
5. Tapşırıq 5-i edə biləcəyin günə qədər özünü inkişaf etdir.
6. "İnsanın məna axtarışının səbəblərindən biri özünü həyata bağlayacaq anlayışları axtarmasıdır" - sən elə olma. Özünün ən yaxşı versiyası ol!
7. Sən sistemin ən kiçik hissəsisən. Amma sistemi düzəltmək istəyirsənsə ordan başla
Zidd 
Orxan Şahbaz
Zidd Orxan Şahbaz1 günə bitirəcəyiniz kitab
"Mesajlarda yazılan sözlər əl ilə yazılan sözlər qədər səmimi deyil"
"Dedektiv janr, sevərəm yəqin" dediyim və bir ayda 3 dəfə bitirdiyim bir kitab. Mürşüd bəy kitabı əsasən detektiv janrı olaraq təqdim edir, oxucuların çoxunun xanım olması səbəbi ilə kitab biraz sevgi romanı kimi qələmə verilir, ancaq məncə bu kitab tam bir psixologiya və şəxsi inkişaf kitabıdır. Təbii ki, özünümühakimə bacarığı olan insanlar üçün. Əsərdə detektiv baxımdan çox maraqlı bir sujet var, hansı ki, sevginin səbəb olduğu bir cinayət olduğu üçün bu 2 mövzu ön plana çıxır. Amma asas məsələ bu deyil. Kitabda cəmiyyətimizdə, verilən tərbiyyə və ailə sistemlərində olan boşluqlar haqqında fikirlər daha çox diqqətə alınmalıdır. Qorxudan yalanın yaranması? Başqası nə deyər deyə keçən həyat? Övladına dəstək olmaq adı ilə ərköyün böyüdülən ve başqa həyatları məhv edən şəxslərin valideynləri? istədiyini əldə edə bilməyəndə dəyişən insanlar? Ya da insanlar haqqında bilmədən, tanımadan sosial şəbəkələrdə rəy yazanlar? Yəqin ki, bunların hamısı ilə bağilı bir hadisə va ya şəxs vardır həyatınızda. Kitabda bu mövzuların hamısının real nümunə və nəticələri var.
Amma bu kitabı dəfələrlə oxuma səbəbim bu deyil. Səbəb bu kitabda axtardığım bəzi sualların cavabı, qərar verə bilmədiyim bəzi məqamların nəticələri və bəzi "opportunity cost"ların nümunələrinin olmasıdır. Kitabdan bir neçə kəsinti və o hissələrdən özümə çıxardığım dərsləri not kimi yazıram:
1. Hadisələrdən qaçmaq heçvaxt səni
böyütməyəcək. Eyni səhvləri etməyə dəvam edəcəksən. Ona görə səhvlərin üstünə gedib onlarla üzləş.
2. Bəzi addımları atmayıb peșman olmaqdansa, at peşman ol.
3. Sən özünü düzəlt. Sen özünün ən yaxşı versiyasi ol. Ətrafin da yavaş-yavaş sənə uyğunlaşacaq.
4. Özünümühakimə gözəl birşeydir ancaq günahkar psixologiyasında olmaq da