Sən Asiyaya dözə bilmədiyin kimi, mən də Avropaya dözə bilməyəcəm. Gəl burada, Asiya və Avropanın hiss edilməyən şəkildə bir-birinə qarışdığı Bakıda qalaq.
Mən başımın üstündəki hamar damı, səhranı və dənizi sevirəm. Mən bu şəhəri, köhnə qalanı, dar dalankardakı məscidləri sevirəm və balıq susuz boğulduğu kimi, mən də Şərq xaricində boğuluram.
Mən bu köhnə təbiətə it öz komasına bağlı olan kimi bağlı idim… Mən Bakıya mənsubam. Köhnə qalaya, kölgəsində Ninonun gülər gözləri parlayan köhnə qalaya mənsubam.