İnsan taleyi tərəfindən məhz niyyətinə görə mükafatlandırılır.Niyyəti düzgün olduğu zaman görülən işdən onun sahibi də fayda götürər.Yox, niyyət düzgün olmazsa,edilən işdən gözəl nəticə alınsa da,bunun onun sahibinə heç bir faydası toxunmaz.
Həyatın quru fəlsəfə üzərində deyil, əməllər üzərində qurulması bir həqiqət idi.Həyat üçün sənin kimliyin, nə düşündüyün, nə istədiyin, nəyə qadir olduğun, "yaxşı insan" olman qətiyyən önəmli deyil.O, sənin nə etdiyinə baxır, məhz nə etdiyinə.
-Tanrı bizə "Mən yer üzündə Öz xəlifəmi yaradacağam" deyəndə bunlarımı nəzərdə tuturdu?! Aciz, zəif, tez təslim olan, mənasız həyat yaşayan, bir-birinin ətini yeyən insanları?!
Tanrıdan nida gəldi:
- Şübhəsiz, mənim bildiklərimi siz bilməzsiniz!