Ramiz Rövşən
Kişilər bir olmur atam balası
Qorxağı var, igidi var,
Amma hər kişinin öləndən sonra
Qəbri üstündə ağlamağa
Bir qara paltarlı gözəl bir qadına ümidi var.
Sən öləndə kim olacaq gözlərini bağlayan?
Qardaşmı olacaq, yadmı olacaq?
Bu dünyada bəlkə sənə ən çox ağlayan,
Ən çox ağlatdığın qadın olacaq?!
Göz yaşı yuduqca başdaşını
Qəbrində
İlqar Fəhmi
Uçurumdan qopan anda, əlini tutmasa kimsə,
Gözünü zillə səmaya, bacarırsansa gülümsə.)
Ən ağır məngənə içrə nicatın yalnız ölümsə,
İnanırsansa dua et, bacarırsansa gülümsə.)
Sənin ən qorxulu həftən, mənim ən ağrılı günümsə,
Gözümə bax, dişini sıx, bacarırsansa gülümsə.)
Batıran ruhuna iynə bu zəhr dilimsə,
Zəhərə azca şəkər qat, bacarırsansa gülümsə.)
Bu günəşdən yorulan yay mənim ən son fəslimsə,
Payız haqqında danışma, bacarırsansa gülümsə.)
İlqar Fəhmi