Dalgın Ölü
@_dalginoluler_
Dün güzel bir kadın geçti
Kabrimin yakınından
Doya doya seyrettim
Gün hazinesi bacaklarını
Gecemi altüst eden
Söylesem inanmazsınız
Kalkıp verecek oldum
Düşürünce mendilini
Öldüğümü unutmuşum
Filoloq
Üniversite
Bakü
Azerbaycan
10 okur puanı
Mayıs 2023 tarihinde katıldı
Şu anda okuduğu kitap
Təhlilə keçməmişdən əvvəl onu deməliyəm ki oxuduğum ən mükəmməl kitablardan biri idi. Həm səhifə sayına görə, həm də məzmun axıcılığına görə darıxmadan oxuyacağanız kitablar siyahısındadır. Əsəri oxuduqca özümü Fuguinin hekayəsinin bir hissəsi kimi hiss etdim.
Əsərin mövzusu hələ gənc yaşalarında ikən ailəsinin sərvətini qumarda uduzan bəy oğlu Fuguinin həyatından bəhs edir. Fugui mal varlığını uduzduqdan sonra həyatı dəyişir. Ömrünün sonuna qədər ailəsindəki hər üzvü öz əlləri ilə torpağa tapşırır. Çox əziyyət və zülmlər çəkir, ölümün pəncəsindən hər dəfə son anda xilas olur. Və oxucu bütün bunları, Fugui illər sonra tarlada tanış olduğu gənc oğlana danışarkən öyrənir.
Əsərin ideyasına gəldikdə isə, Yu Hua bizə həyatın təsadüflərlə dolu olduğunu göstərir. İnsan nə oldum deyil, nə olacam deyə düşünməlidir. Ölüm bizə bir nəfəs qədər yaxındır və biz bizə verilən ömrün, imkanın və sevdiklərimizin qədrini bilməliyik.
Bu kitab haqqında nə qədər danışsam kifayətsiz qalar. Əgər məndən bir insanı dəlilik həddinə gətirəcək amilin ailə və yaşadığı mühit olduğuna sübut göstərməyimi istəsələr, bu kitabı göstərərdim. Baş qəhrəman, hələ 16 yaşında olan Deborah ailəsi və mühiti ucbatından şizofreniyaya tutulur. Uzun bir müddət xəstəliyi ilə mübarizə aparmaq məcburiyyətində qalan Deborahın yanında olan tək insan isə həkimi, Deborahın dili ilə desək Furi olur. Furi ona gül baxçası vəd etmədiyini, ona bu tikanlarla dolu dünya ilə mübarizə aparmağı öyrədəcəyini bildirir. Bəs öyrədə bilir mi? Deborah yenidən öz dünyası "Yr"dən "Dünya"ya qayıda bilir mi? "Yr" necə bir yerdir? "Yr" onu tərk edir mi? Bu suallara əsəri oxuduqdan sonra cavab tapacaqsınız.
Bəzi insanlar vardır balıq kimidirlər. Yaşadıqları dənizdən ayrı salınarsa, tezliklə ölürlər. Bəzilərinə həyat verən oksigen, onlar üçün ölümə çevrilir. Məncə Martin Eden də bu insanlardan biridir. Əsəri oxuduqca görürük ki, balıq başqa bir mühitə; dənizin vəhşi həyatından mədəni, kübar aləmə can atır. Özünü yüksək təbəqədən olan "insanlarla" eyni səviyyədə görmək istəyir. Onların içərisindən sevdiyi bir qız üçün özünü bütünüylə dəyişir. Bəs Martin sevdiyi qızdan qarşılıq görür mü? Çətinliklər içərisində yaşadığı müddət ərzində o "kübar" cəmiyyət tərəfindən qəbul edilir mi? Martinin sonu nə olur?
Bu suallara ancaq əsəri oxuduqdan sonra cavab tapa biləcəksiniz.
Sadəcə bu nəşri oxuyun. Digər nəşrlərin dili olduqca qəliz və sanki google'də tərcümə edib yapışdırlıb kimi yazılmışdır. Kitaba gəldikdə ilk dəfə oxuyarkən anlamaq çətin olacaqdır, lakin 2-ci və 3-cü oxunuşda artıq daha yaxşı anlayacaqsınız.
