Awaz
@awaz_
“Maddenin amacı anlamlaşmak, anlamın amacı da maddeyi aşmaktır”
demokratikmodernite.org/hakikatin-sirri...
Deryayeke di Nav Bergê Piçûk de: "Dema Tu Çûyî"Şiir
Salek berê, di rojeke îmzekirinê de, min ev pirtûka piçûk tenê ji bo piştgiriyê kirîbû. Îro, gava min di nav pirtûkxaneya xwe de li pirtûkekê digeriya û ji xwe re digot: “Gelo ez niha çi bixwînim?”, çavê min li vê pirtûka qebare-piçûk ket û min got: “Bila rêza vê be.”
Lê belê, min dît ku ew tenê ji derve ve piçûk e...
Hundirê wê deryayeke bêbinî û tije pêl e. Pêlên wê li keviyên dilê mirov dixe û henaseya mirov di qirikê de diçikîne.
"Dema Tu Çûyî"...
Ev ne tenê pirtûkek e; ev birîneke zindî ye ku di kûrahiya dil de vedibe. Her rêzeke wê wekî tîrekê di dil re derbas dibe û birîneke nû vedike; lê di heman kêliyê de, wekî melhemekî ronahiyê li ser wê birînê dadiweşîne.
Dema min ev pirtuk xwend, hêviyên min geş bûn û dilê min germ bû. Wekî kesekî nenas hat, destê min girt û bi pistepist got: “Tu ne bi tenê yî… Em hemû birîndar in, lê em hîn jî li ser piyan in.”
Bi kurt û kurmancî; divê her kes vê pirtûkê bixwîne û di wê deryayê de xwe…
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Şewqa Heyvê
salên porspî
birînên temendîrêj
di bin qolincên welatê min de
her elem digirt
di rawestgehên rê yên serhildanekê de
kenê westiyayî bêhna xwe dida
stêrkên şevê diketin rêzgirtinê
li ber lingên Viyana çiya
li qeraxê zinarekî mezin
Bêrîtanê bi destê welat digirt
û
dîlê geleki hînî firandinê dibû
heyvê bi şewqa xwe dînixumand
bedena serhildêr
îxanetek rûreş dima di bin lingên min de
Semayê fîstanekî agirîn
li bejna adarê dikir
û
bi ariya bedena xwe derman dikir
birînên di bin qolincên welat de…
Ez ê Bêm
ji nû ve dergeha dilê xwe veke
ez ê bêm
mijankên xwe deyne ser hev
ez ê bêm
û
ez ê kenê xwe yê evîndar
li gulistana ramûsanên te raxim
ez ê bêm
ji tenêtiya te re
dilekî evîndar bînim
hemû êşên temenê te
bi ramûsanên xwe bikewînim
ez ê bêm
û
xwedayê êşê biqewirînim
ji kolanan!!!
bes
êdî bila teşiya te
Qet xeman nerêse
ji bo tevna dilê te
na
qet xeman nexwe
em ê di elenda azadiyê de
dîsa hevdu hembêz bikin
wê demê
dê beytikên xweziyên te
bi destên xeyalên min bigirin
û
dê stêrkên çavên te
ronî bikin tarîreşka temenê me…
…
min hemû pirtûkên olên pîroz
xitim kir yek bi yek
û
wisa zivirîm
dawiya dawî
tenê hembêzkirina te bû ya pîroz…!!!”