aisun
@ayssvlog
“bir kitab = bir həyat”
instagram.com/ayssvlog
Müəllim
MDU
24 Nisan 2004
56 okur puanı
Ocak 2021 tarihinde katıldı
Şu anda okuduğu kitap
Beyaz geceler.1000Kitap
Bu əsər sadəcə bir sevgi hekayəsi deyil, insanın tənhalığı və xəyallar aləminə sığınmasının poetik təsviridir. Dostoyevski əsərin baş qəhrəmanı olan "Xəyalpərəst" vasitəsilə real həyatdan qopan və öz daxili dünyasında yaşayan insanın hüznünü göstərir. Şəhərin sehrli atmosferi və "bəyaz gecələr"in yaratdığı o qeyri-müəyyənlik hissi əsas obrazımızın daxili aləmi ilə üst-üstə düşür. Nastenka ilə yaşanan dörd gecəlik ümid, əslində real xoşbəxtliyin nə qədər kövrək və qısamüddətli ola biləcəyini göstərir. Dostoyevski bizə çatdırmağa çalışır ki, bəzən bir anlıq gerçək səadət insanın bütün ömrünə bəs edəcək qədər dəyərlidir. Əsərin sonundakı fədakarlıq və qəhrəmanın heç bir inciklik duymadan taleyi ilə barışması məni ən çox əsəbləşdirən məqam oldu. Ümumilikdə, bu kitab bizə xəyallarımızın nə qədər gözəl, lakin real həyatın nə qədər qaçılmaz olduğunu xatırlatdı.
"𝗟𝗲𝘆𝗹𝗮" - 𝗔𝗹𝗲𝗸𝘀𝗮𝗻𝗱𝗿𝗮 𝗞𝗮𝘃𝗲𝗹𝗶𝘂𝘀
Aleksandra Kavelius'dan oxuduğum ilk kitabdır. Təəssüf ki, gerçək həyat hekayəsindən götürülmüş bir əsərdir.
Əsərdə müharibə ərzində 16 yaşlı Leyla adında gənc bir qızın yaşadıqları, daha doğrusu insan adı altında mövcud olan varlıqların yaşatdıqları göstərilir.
Alman yazıçısı Aleksandra Kavelius Saraybosnadakı qadınlar haqqında məqaləsi üçün araşdırma apararkən Leyla ilə tanış olur. Bu hadisədən sonra onun həyatını qələmə alır.
Müharibə mövzulu kitabları oxuduqca ürpərirəm, o qadınlar isə yazılanları yaşayanlardır.. Leyladan sonra ən çox üzüldüyüm ikinci insan Ratko oldu. Hər şeyə rəğmən ümidlərini heç vaxt itirmədi. Mən sonluğu fərqli gözləsəm də, yaşanmışlıqlardan götürüldüyü üçün nəsə deyə bilmərəm.
Travmalı insanların oxumamağını məsləhət görürəm..
Cəlil Məmmədquluzadə "Ölülər" əsərində əsas məqsəd cəhalət içində itib batmış xalqı oyatmaq idi. Hansı ki dövrümüzdə də aktuallığını qoruyub saxlayır. Əsərdə İslam dinindən istifadə edərək öz pis əməllərini həyata keçirmək istəyən Şeyx Nəsrullah, bir neçə cahil xalq adamları və kefli İskəndər var. Nəsrullahın əsli sübutu olmayan yalan sözlərlə xalqı necə asanlıqla ələ aldığının, öz oyunlarını oynadığının şahidi oluruq. Buna qarşı çıxan tək obraz isə kefli İskəndər idi, hansı ki hər kəs onu içdiyinə görə tənə edirdi. Qız uşaqlarının 9 yaşdan sonra evləndirilməsi də özünü göstərir. Hətta Hacılardan birinin iki oğlu 8 və 9 yaşında nişanlı olduqları da vurğulanıb. Nə dərəcədə düzgündür?
İskəndər hər nə qədər qaranlıqlar içərisində yanan kiçik şam işığı olsa da, onun gücü ətrafı aydınlatmağa yetmirdi. Bəs burada əsl "ölülər" kim idi? Torpaq altında yatan mərhumlar, yoxsa torpaq üstündə gəzən cahil insanlar?
Təkrar oxumuş olsam da, yenə çox diqqətimi çəkən məqamlar oldu. Hər kəsə oxumağı tövsiyə edirəm.
Salamm!!
Bu gün də detektiv kitablarla gəldimm. Gənc yazarlarımızdan olan Qüdrət bəyin qələmi həqiqətən də gözlədiyimdən daha çox məni özünə bağlı etdi. Normalda siyasət, tarix mövzularını sevmədiyim üçün bu kitab aylarla rəfimdə qaldı, amma peşman oldum artıq. Oxuduqca içimdən sanki hər bir obrazı yaxından tanıyıram, hər biri ilə ünsiyyətim olub kimi bir hiss keçirdi. Bunu isə dialoqlardakı səmimiyyətə borcluyam.
Gələk kitabın mövzusuna, əslində bir kitabdan deyil, ikisindən danışacam. Digəri əlimdə olmadığı üçün sadəcə "Bəyaz cəhənnəmdə qanlı üfüq" paylaşa bildim. Deməli burada hər şey itkin düşən üç gənclə başlayır. Lakin bu gənclər sıradan biriləri deyil, hər biri dövlət üçün çox əhəmiyyətli vətəndaşlardır. Qaçırılmalarında da ən böyük səbəb elə budur. Kitabda Azərbaycanla Çinin münasibəti, Çinlə Amerika, İtaliya və s. münasibətlərinə də toxunulub. Üç gəncin axtarışı ilə başlayan kitab sonradan çox fərqli və çox maraqlı şəkil aldı. Bu gəncləri qaçıranlar kim idi? Gənclərin aqibəti necə oldu? İkinci kitab olan "Bəyaz cəhənnəmdə əbədi ömür" də hadisələrin davamında nələr baş verir?
Əslində nə desəm hər biri spoiler olacaq deyə əlavə danışa bilmirəm. amma detektiv sevənlərin oxuyub bəyənəcəyinə əminəm!
Üçüncü kitab isə hələ nəşr olunmayıb. Amma səbirsizliklə gözləyəcəmm. Yazara fəaliyyətində uğurlar arzulayıram!
Ümumilikdə əsəri çoxxx sevdim.
Kitabla qalın!
Oxuyacaq olanlara xoş mütaliələr!
Salamm!!
İlk öncə kitab haqqında qısaca fikirlərimi bölüşüm. 128 səhifə boyunca həyəcan içində qaldım, hər səhifədə təəccüblənməmək qeyri mümkün idi. Çoxx sevərək oxudum, və dəhşət axıcı kitab oldu mənim üçün.
İndi mövzusundan qısaca danışacam. Deməli prokuror (savcı) Ziya və onun başına gələnlərdən danışır. Ziya ailəsi ilə gəzintiyə çıxmağa hazırlaşır. Və bir qəza nəticəsində komaya girir. Ən həyəcanlı hissələr də elə bundan sonra başlayır. Ziyanın başına gələnlər onun üstünü örtdüyü dosyalarda olan ədalətsizliklər olur. Hər etdiyini bir-bir yaşayır. Kitabı bitirəndən sonra insan özünü və keçmişini sorğulayır. Səhvlərini, incitdiklərini və s. Günümüzü elə yaşamalıyıq ki, gələcəkdə bu günümüz üçün özümüzü sorğulamayaq
Kitabın içinə girmişdim sanki.. Gecə yatanda da Ziyanın gözü ilə gördüklərim sayəsində bütün yuxum qaçdı
Ümumilikdə əsəri çox sevdim.
Kitabla qalın!
Oxuyacaq olanlara xoş mütaliələr!
