Rövşən Abdullaoğlu kitabları həmişə həm insanın düşüncəsinə, həm də ruhuna xitab edir. Müəllifin bir neçə əsərini mütaliə etmişəm, onlardan Relslər Üzərinə Uzanmış Adam, burada boşnakların başına gətirilənlər, Adriana və Əminin hekayəsi mənə daha çox təsir etmişdi. Bu kitab da müharibə mövzusundadır: I Qarabağ müharibəsi barədə. 2020-ci ildə baş verən hadisələrdən sonra Qarabağ məsələsi məni daha çox təsirləndirir, ona görə də kitabı oxuduqca bəzən gözyaşlarımı saxlaya bilmirdim. Çox məsələni araşdırdım, çox məsələ barədə suallar yarandı beyinimdə. Onu da qeyd edim ki, hadisələrin bir qismi 80-cı illərin Əfqanıstanında təsvir edilir, müəllifin uğurlu təhkiyəsi ilə Qarabağ müharibəsinə bağlanır. Müəllif Qarabağ müharibəsində iştirak etmiş real və xəyali qəhrəmanların hekayəsi ilə qəlblərimizdə onlara qarşı təşəkkür hissini daha da alovlandırır. Nə yaxşı ki, müasir ədəbiyyatımıza belə bir dəyərli əsər qazandırıb Rövşən bəy.
KoramalRövşen Abdullaoğlu · Qədim Qala Nəşriyyatı · 0204 okunma
- Dədə, həmişə düşünürəm, bu torpaqlarda can verib can alırıq ki, Eyvazov kimi şərəfsizlər gəlib buralarda rəislik etsinlər? Alçaqların gözəl ömür sürmələri üçünmü vuruşmalıyıq?
- Təzədən Eyvazov kimilərinin rəis olmasına icazə versək, yox, düz yolda deyilik.