Sima
@bysima
Bakı
12 Eylül 1996
100 okur puanı
Ağustos 2021 tarihinde katıldı
Salamlar
Valeri Sinelnikovun “Məqsədin gücü” kitabı insanın düşüncə və inanc sisteminin həyatındakı hadisələri necə formalaşdırdığını izah edir. Müəllifə görə, hər şey düşüncədən başlayır və aydın məqsəd qurmaq həyat enerjisini istiqamətləndirir. Kitab insanı öz daxili dünyasına baxmağa, mənfi inancları dəyişməyə və məqsədlərinə uyğun vibrasiyada yaşamağa çağırır. Qısa desək, bu əsər pozitiv düşüncənin və məqsədli həyatın insan taleyindəki yaradıcı rolunu vurğulayır.
Qeyd edim ki, kitabdan çox zövq alacaqsız şiddətlə tövsiyyə edirəm.
Valeriy Sinelnikov 
Məqsədin Gücü
Valeriy Sinelnikov Məqsədin Gücü
Salamlar
Bu kitabı oxumamışdan öncə məndə bir fikir var idi emosiyalarla bağlı. İnsan basdırdığı duyğuları tərəfindən ələ keçirilib idarə olunur. Üstəlik o duyğular bir gün çox böyük və dərin formada həyatımızın yersiz vaxtlarında üzə çıxır. Buna görə də duyğuları yaşamaq onların kimyasını anlamaq lazımdır ki, yaşadığında nə edəcəyini biləsən. Duyğuıardan qaçdıqca o sənə həmişə vahiməli və çətin görünür. Bütün bu düşüncələrimə qüvvət verirmiş kimi bu kitab çıxdı qarşıma.
Osho emosiyaları insanın daxili enerjisinin təbii axını kimi qəbul edir. Onun fikrincə, emosiyaları boğmaq və ya gizlətmək insanı gərgin və saxta edir, halbuki onları dərk edib müşahidə etmək azadlıq gətirir. Osho deyir ki, hər bir duyğu – qəzəb, kədər, sevinc və sevgi – əgər tam şəkildə yaşanarsa, insanı dərin bir şüura aparır. Yəni emosiyalarla mübarizə aparmaq yox, onları şüurlu şəkildə yaşamaq ruhsal inkişafın açarıdır.
Emosiyalar 
Osho
Emosiyalar Osho
Salam hər kəsə. Bu kitabda 2 hekayə qələmə alınmışdır. İnsanı təsirləndirən xüsusiylə də analıq duyğularının dərinliyini vurğulayan bu hekayələr tük ürpərdici həqiqətləri əks etdirir. Çox ürəyim sıxıldı oxuduqca ancaq reallıqları oxuyub bilmək də bizim borcumuzdur. İndi sizə Treblinka cəhənnəmindən danışacam.
Treblinka – İkinci Dünya Müharibəsi dövründə, nasist Almaniyası tərəfindən Polşada qurulmuş ən dəhşətli ölüm düşərgələrindən biridir. 1942–1943-cü illərdə fəaliyyət göstərmiş bu düşərgə, “Operation Reinhard” adlı planın bir hissəsi olaraq əsasən yəhudi xalqının kütləvi şəkildə qətlə yetirilməsi üçün istifadə olunmuşdur.
Burada insanlıq anlayışı tamamilə yox olmuşdu. Treblinkada sistematik şəkildə insanlar qatarlarla gətirilir, aldatma yolu ilə “duş otaqlarına” aparılır və orada qazla boğularaq öldürülürdülər. Sadəcə bir neçə saat ərzində minlərlə insan məhv edilirdi. Bu proses o qədər avtomatlaşdırılmış və duyğusuzcasına aparılırdı ki, düşərgə sözün əsl mənasında “cəhənnəm fabriki”nə çevrilmişdi.
Treblinka, bəşəriyyətin öz vicdanını necə itirə bildiyinin, texnologiyanın və itaətin necə kütləvi ölüm alətinə çevrilə biləcəyinin simvoludur. Burada təkcə bədənlər deyil, həm də ümidlər, uşaqlıqlar, sevgilər və gələcəklər məhv edilirdi.
Bu cəhənnəmi xatırlamaq, tarixdən dərs çıxarmaq və insanlığa qarşı törədilmiş belə cinayətlərin bir daha təkrarlanmaması üçün əhəmiyyətlidir.
Salamlar, Cəfər Cabbarlı - Dilarə kitabı ilə qarşınızdayam.
XX əsrin əvvəllərində ( 1921 ) yazılmış bu kitabda ailə- məişət, cəmiyyətin sosial həyatına güzgü tutan 5 hekayə yazılmışdır. Oxuyarkən çox gərginlik yaşadım və belə bir sual gəldi ağlıma görəsən 100 il sonra bizim də həyatımız kitablardan oxunarkən belə qarşılanacaq mı?
Öz ədəbiyyatımız olduğu üçün tövsiyyə edirəm. Gülzar mövzusu gərginliyin pik həddi idi. Oxuyacaqlara xoş mütaliələr.
1. Aslan və Fərhad
İki qardaşın (Aslan və Fərhad) məhəbbət və namus uğrunda verdiyi mənəvi mübarizə. Hekayədə ailədaxili etibar, sevgi və qardaşlıq münasibətləri ön plandadır.
2. Mənsur və Sitarə
Zəngin və varlı bir gənc olan Mənsurun, sevgi və maddiyyat arasında qalması. Sitarənin təmkinli və düşüncəli davranışı ilə Mənsurun daxili dəyişimi.
3. Əhməd və Qumru
Tələbə Əhmədin kasıb bir ailədən çıxan Qumruya olan sevgisi və sosial fərqliliklərə qarşı mübarizəsi. Cəmiyyətin qınağına baxmayaraq ruhən birləşən iki insan
4. Gülzar
Gülzar adlı qadının həyat yoldaşının onu tərk etməsi ilə yaşadığı çarəsizlik, amma eyni zamanda daxili gücünü taparaq ayağa qalxması. Qadın azadlığı və sosial haqlar mövzusu.
5. Dilarə
Dilarənin atası ilə yaşadığı çətin həyat və bu çətinliklər fonunda qoruduğu insanlığı və mərhəməti. İkisi də cəmiyyətin sərt üzünə qarşı aciz, amma vicdanlı.
