Vüqar Mustafayev
@entrelibroo
Cuanta menos gente, más libre soy.
Reklam
Absurdizmin banisi1000Kitap
Baş qəhrəman, ekzistensializm və absurdizm baxımından çox dərin obrazdır. Onun xarakteri duyğusuz, laqeyd və sosial normalara uyğun gəlməyən bir insandır. Həqiqətən oxuduqca xarakterini dərindən hiss etmək mümkündür...
Anasının ölümünə qarşı biganəliyi, sevgilisi Mariyə qarşı hisslərinin olmaması və ümumiyyətlə hadisələrə emosional reaksiya verməməsi onun ən əsas xüsusiyyətlərindəndir.
Cəmiyyətin qəbul etdiyi norma və dəyərlərə uyğun gəlmir. İnsanların gözlədiyi şəkildə kədərlənmir, vicdan əzabı çəkmir və adi insanlar kimi sosial əlaqələrə əhəmiyyət vermir.
Ancaq, Obrazın xüsusiyyətlərinə nihilist adı vermək olmaz.
O, Nihilizmin bəzi xüsusiyyətlərini daşısa da, tam mənada nihilist deyil. O, mənəvi dəyərləri və sosial qaydaları rədd edir, lakin fəlsəfi mənada tamamilə dəyərsiz və boş bir həyat yaşamağı qəbul edən biri deyil. O, daha çox absurdist obrazdır. Kamunun absurd fəlsəfəsinə görə, insan həyatın mənasızlığı ilə üzləşir və onu olduğu kimi qəbul edərək yaşamalıdır. Obraz da məhz bunu edir – həyatın mənasız olduğunu qəbul edir və ona qarşı soyuqqanlı yanaşır.
Yəni Merso nihilizmdən çox absurdizmə uyğun gələn bir personajdır.
10/10
Bu gün sizə məşhur rus dramaturqu Anton Çexovun yazdığı son pyes haqqında qısa xülasə verəcəyəm.
"Vişnə bağçası" Rusiyadakı sosial və iqtisadi dəyişikliklər dövründə keçən bir ailə dramıdır.
Əsər, Rusiyanın XIX əsrin sonu və XX əsrin əvvəllərində keçirdiyi sosial, iqtisadi və mədəni dəyişiklikləri əks etdirir. Köhnə zadəganlıq dövrünün süqutunu və yeni burjuaziyanın yüksəlişini göstərməklə yanaşı, keçmişlə gələcək arasında qalmış cəmiyyətin durumunu da təsvir edir.
Əsərdəki personajların sosial statusları arasındakı fərqlər, köhnə və yeni dəyərlərin toqquşmasını əks etdirir.
Çexov əsəri "komediya" adlandırsada, əslində "Vişnə bağçası" tragikomediya xüsusiyyətləri daşıyır. Burada həm gülməli, həm də kədərli məqamlar mövcuddur.
