Yerimək yaxşıdır. Hər zaman yaxşı olub. Həmişə dərdə dəyir. Kasıb olanda, taksi sifariş etmək baha başa gələndə və ya əksinə, varlı olub, bədəninin yağlarını əritmək istəyəndə də. Əğər biraz düşünmək istəyirsənsə, piyada yol gedə bilərsən. Əgər fikirdən azad olmaq niyyətin varsa, yol getmək faydalıdır. Həyatı hiss etmək istəyirsənsə, gərək qələbəlik küçələrdə addımlayasan. İstər cavan ol, istər yaşlı, hətta uşaq olsan belə insanların əzabını, mərhəmətsizliyini unutmaqdan ötrü yeriməlisən. Hər dayanacağın xoşməzə bir tamı var və növbəti dayanacaqlar üçün mütləq getməlisən.