Çönk
Hak nazar itdügi kullar sever olur anı iller
Bülbül olup öten diller gice gündüz aglayıcak
Sabah akşam oturalar Hakk'ı dile getüreler
Cümle işi bitüreler gice gündüz aglayıcak
Hak'dan korkanlar er olur hem işi güci zâr olur
Cümle veliler yâr olur gice gündüz aglayıcak
'Işkdan aglayıcak zâr olur durdugi yirler nûr olur
Vîrân gönüller şâd olur gice gündüz aglayıcak
Kendü hâlin bilen kişi 'acâyib gördi hem düşi
Kurtarı bilür ol başı gice gündüz aglayıcak
Ben Hakk'ı severin dirin anun hanlarını yirin
Yaramaz fi'lümi korun gice gündüz aglayıcak
Kurulmış 'âşıklar dårı hem girçek severler yarı
'Inayet ide ol Bâri gice gündüz aglayıcak
Aşık Yunus söyler sözi kan yaş tolu iki gözi
Kara olmaz anun yüzi gice gündüz aglayıcak
Sayfa 101 - H yayınlarıKitabı okudu
·
15 görüntüleme
Yorum yapabilmeniz için giriş yapmanız gerekmektedir.