Gör ki Halil n'itdi konugi isteyü gitdi
Üç gün oldı segirtdi biş gün tamam olıcak
Ol konuga çün yitdi yalvardı elin dutdi
Konugi da'vet itdi hâl neydügin bilicek
Konuk eydür iy kişi niçün itdün bu işi Noksanun oldıyısa konuk bile sunicak
Konuk eydür varımazın hem yayan yürümezin
Meger şöyle ola kim ben arkana binicek
Halil arkasın döndi konuk omzına bindi Anda ardından yitdi Medine'ye iricek
Konuk çün yakın geldi Halil gönli şad oldi Hak andan rahmet itdi Halil Hakk'ı bilicek
Zinhår konugi yirme kandan yol diyü sorma
Yunus imdi karşu var togruluban gelicek