Evforion: Siz çox, mən tək köməksiz.
Gəlin, şikar oyunu oynayaq indi də biz.
Xor: Bizi tutmaqsa qəsdin,
Yox, yox qaçma, tələsmə.
Arzumuz, əvvəl-axır,
Sənə şikar olmaqdır!
Evforion: Asan əldə edilən ovla soyumaz ürək.
Yelena və Faust: Bu nə özbaşınalıq,
Nə çılğınlıqdır belə?
Xor: Hamını ötdü, keçdi,
Ən bərk qaçanı seçdi…
Evforion gənc bir qızı qolundan tutub çəkə-çəkə gətirir:
Bunu dil gücünə yox,
Bax, zorla gətirirəm.
Yaxın qoymasa da çox,
Gücümü, iradəmi göstərmək istəyirəm!
Qız: Dayan! Dəymə!
Mənim də gücüm, iradəm var!
Zəifəm?
Qollarına etmə çox da etibar!
Sıx bacardığın qədər…
Səni əylənər, gülər,
Yandıraram, ay axmaq!