Bu gün artıq 1-ci sinifdən başlayaraq "hazırlığa" gedən, 11-ci sinfin sonuna qədər gecəsi-gündüzü testlərlə, summativərə, imtahanlara hazırlıqlarla keçən gənclərə, onların özlərindən də çox müəllimlərinə, valideynlərinə deyiləcək sözümüz çoxdur, ürəyimiz doludur. Təhsil sistemimizdə o qədər fundamental problemlər var ki, bəzən düşünürəm, müəllimlərin məzac anlayışı və şagirdlərin öz tiplərini bilmələri kimi məsələlər bu ibtidai çatışmazlıqların yanında prioritet məsələ sayılmaya bilər. Amma digər tərəfdən, bu yöndə olan agahlıq, əslində, bir çox fundamental boşluqları da doldurmağa kömək edə bilər.