Bi rêya bayekî nazik
Min yekem car payîz nas kir
Bi rêya payizê
Yekem car bû ku
Min tenêtî nas kir
Bi rêya tenêtiyê xerîbî
Û bi rêya xerîbiyê evînî
Û bi rêya evîniyê jî min helbest nas kir
baskê bazekî şikandin
asîman firînek wenda kir
çavê xezalekê kor kirin
awirek ji kîsê deştê çû
guleyek ket qirika kewekê
çiya stranek wenda kir
kulîlkek binpê kirin
bilbil bêhnek wenda kir
lê dema ku jinek kuştin
evînek ji kîsê hemû dinyaye çû.
Bi rêya bayekî nazik
Min yekem car payîz nas kir
Bi rêya payizê
Yekem car bû ku
Min tenêtî nas kir
Bi rêya tenêtiyê xerîbî
Û bi rêya xerîbiyê evînî
Û bi rêya evîniyê jî min helbest nas kir