Dahi
Theodore DreiserDahi Gönderileri
Dahi kitaplarını, Dahi sözleri ve alıntılarını, Dahi yazarlarını, Dahi yorumları ve incelemelerini 1000Kitap'ta bulabilirsiniz.
Dünyada insanın zərurət nəticəsində imtina edə bilməyəcəyi bir səadət yoxdur.İnsan əzab və işgəncə çəkir, lakin bu keçib gedir, həyat isə öz yoluna davam edir.
Sayfa 654Kitabı okuyor
Onlar özlərindən, öz şübhələrindən və ümidsizliklərindən xilas olmaq üçün dində vasitə axtarırlar.
Əgər məndən dinin nə olduğunu soruşsalar, mən deyərdim ki, bu, insanın ürək yaralarına qoyduğu məlhəmdir, bu labüd, daim dəyişən, nəhayətsiz şeydən gizlənmək üçün bir seyvandır. Biz hamımız nə isə şərtsizlik axtarırıq və tapmadıqda özümüz onu yaradırıq. Din sanki həyata bir daimi ünvan, yafta verir, lakin bu ancaq özünü aldatmadır.
Çünki həyat nə qədər dəhşətli olsa da, yenə də gözəldir.
Bir anlığa dərk et ki, biz ancaq ruhda yaşayırıq və düşünürük; nə bizdə, nə də bizim ətrafımızda heç bir maddi şey yoxdur, o zaman sənin bədənin ağrıdan xilas olar. Əgər sən saxta xəstəlikdən əzab çəkirsənsə, o dərhal səni tərk edər. Bədən ruha və məhəbbətə tabe olan yerdə kədər özü sevincə çevrilər.
"Şərin ancaq ona inananlar üzərində hökmranlığı vardır, lakin özünü ilahi ideyanın kamil və sarsılmaz inikası hesab edənlər üçün onun heç bir əhəmiyyəti və mənası yoxdur. Tanrı prinsipdir, insan isə onun ayrılmaz hissəsidir, elə ki, bunu özünə aydınlaşdırdın, şər pis yuxu kimi yox olub gedər, əslində o elə pis yuxudur da. Şər, hər bir reallıqdan məhrumdur".
Bəzi adamların həyatı cəhənnəmdə açılmış və onun bütün atəşi ilə yanan güllərdir.
Narahatlığa səbəb olan, nifaq törədən hər şey, insan varlığında xoşa gəlməyən hər şey səylə gizlədilir, göz ancaq gözəllik, sağlamlıq və qüvvə görürdü.
O artıq həyatın xırda çətinliklərindən qorxmurdu, onun qayığını fırtınalar uzun müddət didib dağıtdığından, balaca tufanlar nə hazırda, nə də gələcəkdə onu qorxutmurdu.
İlk hiddət və kədər tutmalarında sonra başqaları gəlir, lakin bunlar, getdikcə zəif olurdu. Hər cür hiss təzahürü yanlız bir dəfə ən yüksək nöqtəsinə çatır. Sonrakılar isə sakitləşən tufanın əks sədası, şimşək parıltısıdır.
İnsan təbiəti, ən kiçik qıcıqlanmaya cavab verən və nadir hallarda ağla müvafiq hərəkət edən incə mexanizmdir. O, etika qaydaları və məntiq qanunlarından artıq əhval-ruhiyyə və temperamentə tabe olur.
Yucin müvəffəqiyyət və uğursuzluğun metafizik cəhətini unutmuşdu, bəlkə də, bu barədə heç nə bilmirdi. O bilmirdi ki, "insan özü barəsində nə düşünürsə, elədir ki var" və bütün dünya da onu bu cür düşünür, çünki əsas cəhət onun həqiqətdə nə cür olduğunda deyil, özünü nə cür təsəvvür etməsindədir.