Yüz il sonra azad dünyanın insanları bunu oxuyub bizim nə çəkdiyimizi, nələr yaşadığımızı hiss etsinlər deyə qələmə alınıb.
Halqa
Ramazan RizvanYazar:
Ramazan Rizvan
Tahmini Okuma Süresi:
3 sa. 26 dk.
Sayfa Sayısı:
121
Basım Tarihi:
12 Ağustos 2024
Yayınevi:
Owl Neşriyat
ISBN:
9789957587965
Ülke:
Azerbaycan
Dil:
Azerbaycanca
Format:
Ciltli
Türler:
Sıralamalar
Reklam
Yorumlar ve İncelemeler
Bu kitabı dostum mənə vermişdi oxu fikirlərin maraqlıdır deyib.Psixoloji triller janrında yazılmış ilk qələm təcrübəsinə görə yaxşıdır.Sadəcə bəzi məqamlar var,qısaca onlara toxunum;müəllif metaforalar və simvollarla dərin məna ötürməyə çalışır bunda məqsədinə də çatır ancaq bəzən əsərin mistik aspektlərini də anlaşılmaz hala gətirir.Obrazların keçmişinə dair dərinliklər ətraflı təqdim olunmur buda ki,psixoloji triller üçün böyük əhəmiyyət kəsb edir əslində.Nəticə etibarilə diqqətəlayiq bir əsər olduğunu düşünürəm.Özünəməxsus və təsirli üslubu kitabı oxumağa dəyər edir.
Qeyd.(Bu qeydin bu kitabla bir əlaqəsi yoxdur.)
Mən Azərbaycan ədəbiyyatının qaymaq hissəsini çoxdan oxuyub bitirmişəm deyə ancaq xarici yazarlar oxuyurdum.O kitablarında az dilinə tərcüməsi uğurlu alınmır deyə türk dilində oxuyuram.Amma sonra belə bir qərar verdim ki,müasir Azərbaycan yazıçılarını oxuyum görüm onlar nə yazırlar,nə düşünürlər,oxuyucularına nə çatdırmaq istəyirlər...Ona görə getdim Qanuna 10 dənə random belə kitab aldım.Oxuduqca onlar haqqında fikirlərimi də burada yazacam.
HalqaAlıntı
Yazıçının ilk qələm təcrübəsi olan "Halqa" əsəri maraqlı süjet xətti ilə diqqətimi cəlb etdi. Əsərdə duyğular, daxili sarsıntılar məharətlə təsvir olunub. Diqqətimi cəlb edən isə mistik qüvvələr və sürrealizm motivləri idi. Məsələn, əsəri oxuyarkən ağ kağızın çevrilib göyərçinə çevrilməsi hissəsi gözümüb önündə canlandı. Xeyir və Şərin mübarizəsi, xəyali olsa da xeyirin qələbə qazanması oxucunu ümidləndirir. Onu da qeyd etmək istəyirəm ki, yazıçı öz prototipini yaradıb. Bunu Tağı obrazında görə bilərik.
Sonda qeyd etmək istəyirəm ki, əsərin müsbət tərəfləri çox olsa da, mənfi tərəfi ondan ibarətdir ki, obrazların dili çox bayağı idi. Buna baxmayaraq, yazıçının cəsarətinə görə ona təşəkkür edirəm.
Tazə qələm, tazə hekayələrEdebiyat
Deməli belə: "Halqa" - çağdaş yerli ədəbiyyatdan oxuduğum qısa, amma özündə bir dərinlik daşıyan kitab.
Bəzilərinə görə siyasi mahiyyət daşıyan və siyasi məqsədlər güdən, bədii-siyasi kitablar ciddi sayılmamalıdır. Ola bilər, onda gərək "1984" romanı da ciddi hesab edilməsin (yeri gəlmişkən, belə düşünənlər və hətta onun əsər olmadığını müdafiə edənlər də var)...
"Halqa" Azərbaycan cəmiyyətinin sosial-siyasi problemlərini ələ alan nəhəng əsərdir. Kitabdakı kiçik hekayələrdə böyük cəsarətin və ümidin gizləndiyini azca təcrübəli olan bütün oxucular görə, sezə bilər. "Halqa" roman deyil, sadəcə hekayələr toplusudur. Hər bir hekayənin ortaq yanı dili boğazında düyünlənmiş cəmiyyətdə baş verənlərin çeşidli mistik-qarışıq ssenariləri ilə oxucunu düşündürməsidir.
3 hekayə var. Hər hekayə bir ideyaya xidmət edir, baxmayaraq ki, hər biri bəşəri, cahanşümul xarakter daşıyır (öz lokallığını qoruyaraq). Əsər(lər)in mövzusundan danışaq.
Sonuncu hekayə xaric, digər ilk iki hekayə distopiya-zad deyil, gerçəklikdir; mistisizmlə gerçəkliyin iç-içə keçdiyi reallıqdır. Birinci hekayədə (hissədə) hüquq-mühafizə orqanlarındakı məmur özbaşınalığını görürürük. İkincidə seçki müşahidəsi zamanı saxtakarlıqları, üçüncü distopik hekayədə isə gələcəkdəki potensial aqibəti, boynu halqalı xalqı görürük. Şübhəsiz, qısa hekayələr olduğundan hər biri haqqında, mövzuları haqqında yazmaq çətindir - ən azından bu məndə belədir. Ən yaxşısı, şans verib oxumaq lazım. Yalan deməyəcəm: yüksək gözləntim yox idi, amma gözləntimi dəfaətlə aşdı... mövzular çox qəşəng, yerli-yerində işlənmişdi; hər hekayənin sonluğu faciə ilə yox, mistik ürəkaçanlıqla bitməsi mənimçün sözün əsl mənasından qəribə bir təcrübə oldu. Yox, yəni sonu "yaxşı" bitən çox hekayə və s. oxumuşam, fəqət sonu "mistik nikbinlik" ilə qurtaran
"Halqa"da tragikomik hissə var. Deməli, seçki günüdür və məntəqədə ara qarışıb, məzhəb itib. Qutuları mühasirəyə almış qadınlardan, tum çırtlaya-çırtlaya qeybət edən, topa bülletenləri sakitcə qutuya ötürən müəllimlərdən tutmuş gəlib-gedənə nəzarət edən polisə kimi, hərə öz kefindədir.
Elə bu əsnada içəri cavan oğlan girir və kamerasını işə salıb çəkməyə başlayır. Bu gözlənilməz qonaq hər kəsi çaşbaş salır. Hamı əl-ayağa düşür. O saat iki nəfər qoluzorlu kişi peyda olub gənci təpiyinin altına salır. Burnunun qanı ağzının qanına qarışana qədər kötəkləyirlər. Gənc huşunu itirəndə isə yaxasını buraxırlar. O, yerdə sərili halda qalır və heç kəs də ona fikir vermir. İnsanlar sıra ilə üstündən hoppanıb kabinələrə girirlər və səslərini verib çıxırlar, eyni qaydada, üstündən keçib məntəqəni tərk edirlər. Hələ bu azmış kimi, məntəqə sədri də gəncin üstünə çıxır ki, içərini daha yaxşı görə bilsin.
Xüsusən son günlərdə baş verənlər aşağı-yuxarı bu səhnədəkilərə bənzəyir. Elə bil, belə də olmalı imiş kimi, əzilmiş, döyülmüş, alçaldılmış, hər şeyi əlindən alınmış adamların üstündən sıra ilə hoppanıb həyatımıza davam edirik və onlara heç fikir də vermirik. Yəqin, elə həqiqətən də, belə də olmalı imiş. Nə bilmək olar?!
Müəllifini uzun illər tanımasam bəlkə də kitabı oxumazdım. Hətta heç mövzusu haqqında da maraqlanmazdım. Çünki haqqında çox reklam, çox paylaşım olmayan yeni çıxmış bir kitabdır "Halqa" əslində buna görə sizə biraz kitabdan danışacam ki, sizdə mütləq əldə edib oxuyun
"Halqa" cəmiyyətdəki problemlərdən, cəmiyyətin görünməyən tərəflərindən danışan, 3 hissəli bir romandır. 3 hissəsidə bir-birinə bağlı olmasada kitabı oxuyanda müəllifin yaradıcılığını, öz dəsti-xəttini hiss edirsiniz. Hər hekayədə ki, insanların oxşar cəhətləri, oxşar problemləri, oxşar çıxış yolları var. Hekayələri oxuduqca bəzən ilk səhifəsində bəzən ortasında "aha sonluğu belə bitəcək" deyirdim,amma hər hekayədə tərs köşə olurdu. Çünki heç biri təxmin etdiyim kimi deyildi. Əslində Halqada olan heç bir hekayənin tam sonu yoxdur, çünki hər sonun özü bir başlanğıcdır. Düşünürəm ki, aydın bilinən sonun olmaması, əslində müəllifin bizə analitik zəkamıza ötürdüyü bir siqnaldı.
Spoiler olmaması üçün kitab haqqında çox danışmaq istəmirəm. Amma alıntılar hesabdan baxa bilərsiniz.
Qələmdə düyünlənən HALQA
Puan vermedi
Kitabı hələ ki ucundan-qulağından oxusamda əsərin möhtəşəmliyi haqda artıq çox eşitmişəm, əsər özündə ölkədə cərəyan ictimai-siyasi həyatın qələm mürəkkəbindən ağ vərəqə tökülmüş təzahürüdür. Kitabı hər kəsə tövsiyyə edir, kitaba pul verməmək fikrində olanların bu fikri kəmali-şiddətlə mən edib əsəri almalarını tövsiyə edirəm. Uğurlar!
Bugünkü həm kitab tövsiyəm həm də kitab incələməm gənc yazıçımızın "Halqa" kitabı haqqında olacaq. Əvvəlcə yazıçımızı təbrik edirəm, ilk kitabı olmasına rəğmən belə bir əsər ortaya çıxarıb. Kitab qısa həcmli bir neçə hekayəni birləşdirir. Həcmcə qısa olmasına baxmayaraq müəllif, dövrün aktual məsələlərinə ışıq tutmağı bacarmışdır. Kitabda diqqət çəkən digər bir xüsusiyyət, Bulqakovun "Master və Marqarita" sından da bizə tanış olan mistizimdir. Hekayələr nikbin sonluqla tamamlanır ki, müəllif bununla gələcəyə olan inamını oxuyucuya aşılayır. Hekayələrin güclü emosional təsri var, hekayənin ən gərgin hissəsində mistik qüvvələr bir növ köməyə çatır. Bu yerdə epiloqdakı bu hissə yada düşür: "Gecənin ən qaranlıq dəqiqələri sübhə yaxın olar".
Əsərin dili sadə, anlaşıqlıdır, təsvirlər, ifadələr hamısı yerli-yerində işlədilib. Bəzi hissələrdə az da olsa bayağı ifadələr işlənsə də, əsərin dilini ağırlaşdırmır.
Ramazan Rizvan bundan sonrakı kitablarınızı gözləyəcəm.
Ramazan Rizvan bundan sonrakı kitablarınızı gözləyəcəm.
8/10
2024 5. kitabı
Müəllifin ilk kitabı olduğu üçün əlbəttə müəyyən əksikliklər var.Kitab hissələrdən ibarətdir və demək olar 3 əsas hekayə var.Ən əsas əksiklik hekayələrin qısa olmasıdır deyərdim.Amma yəqin ki müəllif oxucunu yormamaq və diqqəti əsas problemlərə və ideyaya yönəltmək üçün bu addımı atıb. Gerçəkləri çəkinmədən yazdığı və təsvir etdiyi üçün təşəkkürlər.
