Helbestên Dînik
Occo MahabadHelbestên Dînik Gönderileri
Helbestên Dînik kitaplarını, Helbestên Dînik sözleri ve alıntılarını, Helbestên Dînik yazarlarını, Helbestên Dînik yorumları ve incelemelerini 1000Kitap'ta bulabilirsiniz.Tu xerab î xerab...
evîn bi fêlan
evindarî bi derewan
eşg bi tenêtiyan
ez bi derd û qehran
dil bi xapandinan
ax dilê min tu xerab î xerab
bi derewan xerab î
bi fêlan xerab î
ez te nikarim
nikarim derewên te
nikarim fêlên te...
ax gurçika min
tu xerab î xerab...
Zanim...
"xeta ya min e
Sûc yê min
Guneh yê min"
Gotinên evînê xapînok
Zanim...
Ez hatim xapandin
Zanim...
Karxezalê tu bibe behr ez bibim qoqlibaz...
Zimanê te wekî xezalekê baz dide
Li ser çiya û newalên min...
Min rondikên xwe barandibû li ser pêlen te
Bila ew rondik xenimî te bîn...
li ser sînga min
şopên destên te
kor û lal û kerr…
li ser zimanê min
germahiya devê te
kesk û sor û zer…
li ber laşê min
çavên te qaçax qaçax dikenin
tu qaçax qaçax şa dibî
evîn qaçax
qêrîn qaçax
tu qaçax…
li ser laşê te qaçaxek
qaçax qaçax xwe dide te
qaçax qaçax di erdên te de xwe vedişêre
awirên te qaçax
hezkirin qaçax
ez qaçax…
birînê birînê ev jî çîroka min e
ka guhdarî bike
ka lê binêre me çi êş kişandine
bavê min hat kuştin di hewşa mala me de
bi heftê gulleyan
ji aliyê heft kesan ve
bêhna cesedê wî hê jî
di hewşa mala me de digere…
Tu yê kîngê werî?
Bajar li benda te,
Ez li benda te me.
Bajarek bifikire ku di nav da ez bêkes û tenê. Te difikirim, te digerim, te dixwazim..
Bi xatirê te dilê min.
Bi xatirê çavên te, bi xatirê kenên te..
Ez xwe dikujim lê nikarim te bikujim...
Ez dimirim...tu dimirî...
Zimanê min
di kolanên taxên te de
bi sloganan diqîre ,dikene
îşev jan dide tenêtî
horbûn hemû melodiyan dikuje
kuştin bixwe jî tê kuştin
destên min
di bihuşta te de
Stranên koçgirî distrên
dema dînbûnê hatiye
îşev êş xeyidiye
bextewarî bûye çivîkek
di asîmanên te de difire
dengê bilûreke berdûşt
tov bi tov
gunehan belav dike
navê şermê hatiye jibîrkirin
şerm xeyidiye
di stêrkên parên te de
bêhna bedena xwe dibînim
ez wekî penaberekî
dixwazim di axên te de
hêlînek ava bikim
tu di nava ax û feryadan de
xwe davêjî li ber peravên min
Bi xatirê te…
Îşev dilê min ...çû
Îşev dile min...mir
Bi tenê êşeke mezin ma
Bi tenê...êş
Ev êş min nekuje baş e
Bi xatirê te dile min
Bi xatirê çavên te
Bi xatirê kenên te
Bi xatirê maçên te
Bi xatirê te...
...
dilo dilo
tu yê jî wisa biketa derdê evînê derdê hesretê
tu yê jî wisa bigiriya
xwe bavêta bextê zalimekê
tu yê jî bibûya koleyê çavên xweşik û nazenîn tu yê jî bibûya êsîrê bêhna wê ya kujerî eywax li min eywax ji dilê min ê belengaz re hezar car eywax
dest pênûs e
laş kaxiz e
dil name ye
şev mijar e
di şeva kambax de
xewa min nayê
min bike çîroka xwe
min binivîse..