Həyatdakı çətinliklərə baxmayaraq, hər zaman gözəl düşünmək və pozitiv olmaq lazımdır. Çünki gözəl düşüncə gözəl danışmaq, gözəl danışmaq gözəl hərəkətlər, gözəl hərəkətlər gözəl alışqanlıqlar, gözəl alışqanlıqlar isə öz növbəsində gözəl həyat üçün əsasdır. ALLAH dünyanın heç bir zaman asan olacağını söyləmədi. Amma dedi ki,
" ALLAH səbr edənlərlə bərabərdir."
~ Enfal surəsi 6 - cı ayət.
Hər bir coğrafiyanın özünəməxsus faydalı resursları, ehtiyatları olduğu kimi insanın daxili coğrafiyası da bu cəhətdən istisna təşkil etmir. Fərqli cəhət odur ki, insanın daxili resurslarının artımı, azalması və istifadəsi tam olaraq öz əlində cəmləşib. Bizim daxili resurslarımız bizim xaricimizə yansıyır. Yəni əslində xarici dünyamızı gözəlləşdirən, onu rəngarəng edən daxildə qurduğumuz dünyamız - daxili dünyamızdır. Qısası, sən sənin ən böyük şansınsan. Bu bilirsiz nəyə bənzəyir? Bir ərəb dövlətini xəyal edin. Torpağın altından çıxardığı neftin keyfiyyəti, saflığı nə qədər yüksək olacaqsa, torpağın üstündə də bir o qədər gözəllikdə və dəbdəbədə binalar, maşınlar, yollar və. s. olacaq.