Keçmişə Yaxın Yer kitaplarını, Keçmişə Yaxın Yer sözleri ve alıntılarını, Keçmişə Yaxın Yer yazarlarını, Keçmişə Yaxın Yer yorumları ve incelemelerini 1000Kitap'ta bulabilirsiniz.
Rafiq Tağı 1950-ci ildə Masallı rayonunda anadan olub. İxtisasca həkim-kardioloq olan Rafiq Tağı həkimliklə bərabər ictimai rezonans doğuran, ciddi polemikaya səbəb olan yazılar da yazıb.
Yazıçının qələmindən 500-dən artıq hekayə çıxıb, bu kitab Rafiq Tağının 1991-ci ildə kiril əlifbasıyla nəşr olunmuş "Pozitiv. Neqativ." hekayələr kitabının latın əlifbasıyla 2-ci nəşridir.
Rafiq Tağı yaradıcılığından oxuduğum "Keçmişə yaxın yer" kitabında 47 hekayə yer alır.
Yazılarına görə həbs həyatı yaşayan, təzyiqlərə məruz qalan, 2006-cı ildə nəşr olunan "Avropa və biz" məqaləsindən sonra iranlı ayətullah Fazil Lənkərani tərəfindən haqqında ölüm fətvası verilib. 2011-ci il noyabrın 19-da naməlum şəxslər onu evinin qarşısında bıçaqlayıb. Bir neçə bıçaq zərbəsi alan Rafiq Tağı əməliyyat olunsa da onun həyatını xilas etmək mümkün olmayıb, noyabrın 23-də vəfat edib.
Sağ qalmaq bəxt gətirməsi sayılarsa, onun bəxti gətirdi; sanki bəxti gətirməyəcəyi günü görmək üçün bəxti gətirdi - onun həyatda nə qədər ki, bəxti gətirmədiyi gün olmuşdu, onlardan yalnız axırıncısı qalırdı.
Onunku bəzəksiz nimçələrdi. Bəzək qiyməti artırmaq üçün bir fənddir. O ki qaldı estetikaya, yalan sözdür, yemək qarına estetik, ya qeyri-estetik - eyni yolla gedir.