Hâline şeytân güler gördükde sende gafleti Üstüne güldürme öyle düşmen-i bed-sîreti
Häin olma ver emânetle cihâna şöhreti
Herkesin destindedir âlemde züll ü rif'ati Müstakim ol Hazret-i Allâh utandırmaz seni
Bir nevcivân kocaya varıp et dediklerin
Beş altı pare kestiregör yediliklerin
Eksiklilerin er düzer eksik gediklerin
Yarım pabuçla geyip a postal çediklerin
Olma sokak süpürgesi kadın kadıncık ol
Kız dinle nush u pendimi kavlinde sadık ol
Gözle rızâ-yı kaynatayı kul halayık ol
Kim der sana ki bir çamura var bulaşık ol Ne kesret ile zâhide ne pek de açık ol
Olma sokak süpürgesi kadın kadıncık ol
Bahş et güneh-i Vâsıfı yâ Rab koma mahrum
Vurma yüzüne neyse kusûru kala mektûm Pinhân u iyan hazretine cümlesi ma'lum
Yok kimselerin sun'u karar-dâde-i mefhum
Hep çekdiceğim kendi cezâ-yı amelimdir
Vâsıf-ı Enderunî
Kat' olsa da şemşîr-i azâb ile amânım
Nâr-ı elem-i dûzah ile yansa da cânım
Hâkister olup kalmasa da nâm u nişânım
Ol dem yine bu misra' olur vird-i zebânım
Hep çekdiceğim kendi cezâ-yı amelimdir
Perişân-hâlin oldum sormadın hâl-i perîşânım
Gamından derde düşdüm kılmadın tedbîr-i dermânım
Ne dersin rüzgârım böyle mi geçsin güzel hânım
Gözüm cânım efendim sevdiğim devletlü sultânım
Ahmed saçı zincîrine dîvâne geçersin
Bezm-i gama ser-halka-i rindâne geçersin
Terk-i dil ü cân etmede merdâne geçersin
Ser vermek olur sırrı ayân eylemek olmaz Ahmet Paşa
Kassâm-ı ezel derd ü belâ kıldı nasîbim Dil derdine oldur yine âlemde tabîbim
Her pâremi eylerse kulağımca habîbim
Ser vermek olur sırrı ayân eylemek olmaz
Cânâne için hançer-i bürrâna düşersem Dürdane gibi lücce-i ummâna düşersem Pervâne gibi âteş-i sûzâna düşersem
Ser vermek olur sırrı ayân eylemek olmaz
Bülbül gibi aşk ehli figân eylemek olmaz
Esrâr-ı sözün halka beyân eylemek olmaz Gencîne-i uşşâka ziyân eylemek olmaz
Ser vermek olur sırrı ayân eylemek olmaz