Kvanı şəxsi inkişaf kitablarından biri kimi qəbul etmək olar. Kitabın məzmunu etibarca insanı özünü tapmağa, tanımağa, xəyal edib, xəyallarının arxasınca qaçmağa, qorxularına kölə olmaq yerinə, onlarla birgə irəliləməyin yolunu tapmağa və ən əsası nəhayət ki, qərar verməyə və verilən qərara inamın güclülüyünü dərk edərək yola çıxmağa sürükləməsindən görmək olar.
Kvanla bir gəncin həyat hekayəsinə səyahət edib, özünüzlə oxşarlıqlar da tapa bilərsiniz. Mən oxşar çox düşüncə, çox yanaşma tapdım. Hətta xəyallarda da eynilik vardı. Coşqun Kərimovu Kvanla tanıdım və Kvandakı səmimiyyəti ilə ona qarşı rəğbətim artdı.
Növbəti əsərlərdə görüşmək üzrə, “Kvan” üçün təşəkkürlər!
P.S. Şəxsi inkişaf kitabları motivasiya pomponlayıcıları deyil. Bu kitablar sizlərə özünüzü tapmaqda, anlamaqda istiqamətçi rol oynamaq üçün xidmət edir. Motivasiyanı kitablarda deyil, daxilinizdə axtarın. Və ən əsası, artıq bir qərar verin. Çünki hər şey bununla başlayır. Uğurlar!
