Mestê Şepalê
Gote me ya tecemmul
Baxekê min ave mil
Her çar feslan tijî gul
Ew çi ye çî dê bizan?
Min go belê gul geş in
Her çar feslan bêhnxweş in
Herdu ruwêt ateş in
Sohtime ez el eman
Melayê Bateyî
Heqqa Tu Padişah î
Bawer neken mûhal e
Nîşana sadiqa ne
Bê rêzî û bedguman
Terzê munafiqa ne
Pirsîniya bê mecal
Nîşana ehmeqa ne
Her da`îma peyapey
Bedqelbî nabît êmin
Sed qenciyan di gel key
Nabîte dost ne duşmin
Di gel noşmendiyê mey
Hem suhbetî mixabin
Melayê Bateyî
Ji Derdê Işqê Rencûr im
Esîrê vê zenexdanê
Wekî bêjnê di zindanê
Kemerzalê Medî kanê
Nekêşit kes cefaya min
Kemerzalê me dê kî bin
Ji ahînê merhedî bin
Meger Loqman û Îsî bin
Nekêşit kes cefaya min
Mela Huseynê Bateyî
Jêrenot:
Zenexdan: erzînk, çene
Rencûr: kovandar, dilbikul
Bi Dil Îro Xedeng im Ez
Beyabanan di ez mêr im
Nevê min ji xwe têr im
Hero der çengilê şêr im
Me dad e j'ber du eslanan
Du eslanan we reng hatin
Bi tabûr û tiveng hatin
Bi şimşîr û xedeng hatin
Qirên îna musilmanan
Melayê Bateyî
Jêrenot:
Xedeng: Tîrên ji darê çêdibin, tîrên darîn.
Du eslan: mebest jê çav in.
Ji Bextê Min Reşî Rabû
Ji bextê min reşî rabû
Xiyala min ne batil hat
Li min roja xem ava bû
Siyehzulfê miqabil hat
Siyehzulfê ku peyda bû
Ji rojê nûra hinda bû
'Ecîb nûrek li min dabû
Heta şehmarê qatil hat
Mela Huseynê Bateyî
Mestê Şepalê
Gote min şahê çikil
Tiştekê min li ser mil.
Pê ve kirin du sed dil
Ew çi ye çî dê bizan?
Min gotê bawer bike
Fikrê ji dawer bike
Zulfan tu satir bike
Sohtime ez el eman
Melayê Bateyî
Jêrenot
Dawer: dadwer, navekî Xweda
Satir: nixûmandin
Ger Tu Nazik Sorgul î
Ger tu nazik sorgul î
Ez bilbilê mestane me
Horiya reş kakul î
Ez aşiqê dîwane me
Horiya firdewsa 'alî
Qumriya baxê cemal î
Ger tu şem' î wer şemal î
Ez 'eceb perwane me
Mela Huseynê Bateyî