Nûbihar Dergisi - Sayı 161
Nubihar DergisiNûbihar Dergisi - Sayı 161 Sözleri ve Alıntıları
Nûbihar Dergisi - Sayı 161 sözleri ve alıntılarını, Nûbihar Dergisi - Sayı 161 kitap alıntılarını, Nûbihar Dergisi - Sayı 161 en etkileyici cümleleri ve paragragları 1000Kitap'ta bulabilirsiniz.Berf
Berf hatî li serê salê
Sipî dike gulyên darê
Ew berf tê bi hilolîka
Sipî dike ser kulîlka
Berfa me gelekî fedyok
Winda kir şewq tîrêja rok
Berfek pir xweş û leylavî
Ew bi sîmavî û avî
Berfa sipî tê ji ezman
Tê li ser deşt û li zozan
Berfê çawa pesin bi dim
Hema dibêjim xwezîz tu bim
Çi qasî tu sipî bike
Qet tu dilê min şa nake
Çi qa tu bê li buharê
Qet tu ne sipî wek yarê
Dilbend Xelîl
Welatê Min Xerabe Ye
Welatê min ne ava ye
Wekî bûka bêzava ye
Herdem nav kul û cefa ye
Berfa çiyan tev hela ye
Li nav golan av ceva ye
Lê ew av tev bereday e
Li nav welat kes nemaye
Welatê me tev vala ye
Dilbêzarê Bêkes
Yên Ku Em Ji Bîr Kirin
Yên ku em ji bîr kirin,
weke ku şevekê
me li derîyê hev nexistibe,
ne girîya bin bi hev re,
ne kenîya bin
û çixareya dawî di bakêtên xwe de,
bêhin, bi bêhin li hev negerandibe.
Ciwan Nebî
Mala Dilê Min Ava Be
Ey dil mala te ava be
Bes e ji vê xewê rabe
Ev halê te dê çawa be?
Dijminê te pir xerab e
Were tu bi wî nexape
Ew dijmin li te siwar be
Nayê xwar get peya nabe
Nebêje ev çi hesab e
Dilbêzarê Bêkes
Di Cengê De
Di cengê de
dibe mêr bimrin bi nexweşiyan,
binav bibin mêr,
dibe bihewirin jî teksiyê wan .
Di cengê de
dibe mêr bimrin ji şîniyê,
ji dûrbûnê,
ji hezkirinê
Ciwan Nebî - Di Cengê De
Porevorê | Dilêrê Kurd
Por evorê.
Ne tu porê xwe şeh dikî.
Ne dişoyî.
Wa icolî.
Gijo mijo li ber bê dikî.
Kiras berdayî.
Ling pêxwas.
Ne dînî tu xwe dîn dikî.
Li panavan.
û gastînan.
Axê bi ser xwe wer dikî.
Zarok û mindal û.
Biçûk.
Her yek û fîxanan dike.
Dibêjin lê.
Por evorê.
Dîna eware.
Li şorê.
Teqîn Li Hev Dixin Bajêr
Teqîn lihev dixin bajar,
civîkên li esîmanan,
kevokan, rêyên kevokan !!
Tu ê çi bikî
ji pêvî ku kevokek biterqî bi aliyan de?!!
Bi aliyan de diterqin term
xwîn, parçeyên terman
û dilê te ji te dikeve,
Ciwan Nebî
Peng • Elîxan Loran
Ji bo hemû eglekirinan
Dibişkuvin keser
Qilêrên sebr û deyaxê dibin tert û tên xwarê
Li ser enîya min
Xwêdana henûnî û zenûnîya hezkirinekê
Ron, ron, ronî
...
Ax ji wan cadû-nêrgizan ku çi felek rakir!
Ax ji destê wê mestê ku li yên şiyar çi kir!
Hêstirên min bûn rengê şefeq, ji cewra yarê Si'ûda bêrehm bibîn ku axirê kar çi kir?
...
Hafizê Şîrazî
Sayfa 28Kitabı okudu
Zarokên Pijiqandî
Reviyayî ji xelîtkên bavên xwe
bajar serbestiyek ji ferhengan derdixin
û li qeraxên kolanekê,
di meydanekê de
bitenê di bîreweriya xwe de vedihisin
zarokên kurda ne
tu ê ji sixêfê wan nas bikî.
Reş dîroka te ya li riwê wan belavbûyî,
Ciwan Nebî
Xwezî | Dilêrê Kurd
Xwezî gulek bama.
Di destên te de.
Tê min bêhn kiriba.
Lê ne kulek bama.
Ji wan kulên te.
Tê min biperitanda.
Bi nifirên xwe.
Ezê jî vekişyama.
Dûr ketibama.
Ji hempa û.
Oflaziya te.
Bi dilşikestî.
û pişt bida te.
Dilêrê Kurd
Ez Im Kurd (6) | Elîriza Spahî Layîn
tawanbarekî bêsûc!
li berxwedanê yek im
li êrişan yek im
li parastinê yek im
lê, li wergirtina heqdestê...?!
axavtinê nizanim û nizanim çima...
li ziman û çanda xwe dilgerm nînim
û nizanim çima...
ez bê rojname û tilivîzon im
û nizanim çima...
lê, dema dipirsim çima?
tê gotin:
eva pirsa dijminan e
pirsa neyaran e…
lê, nizanim ku dijmin kî ye
û dost kî?
dijminatî çî ye
û pirsa dijminan bi çi rengî ye?
NAVÊ TE | Dilêrê Kurd
Min nav te.
Nivîsand.
Li ser pelên.
Dara.
Payiz hat û.
Dar hilweşand.
Pel firîn.
Min jî.
Dergeh.
Li dil.
Dara.
Dara Ziman
... "Min ji mezinên xwe guhdarî kiribû. Wana ji me re gotina dareke bi vî rengî dikirin. Navê wê darê jî 'Dara Ziman' bû. Digotin, dema mirov dûrî Dara Zimên dikeve, dengê wî dernakeve. Çiqas dûrî darê be ewqas bêdeng dibe. Heta ku xwe nê- zika Dara Zimên bike. Kengî were bin darê, dengê wî tê asta berê û heta xurtir derdikeve." ...
A. Benek
Sayfa 37Kitabı okudu
Ez Im Kurd (5) | Elîriza Spahî Layîn
tawanbarê bêxwedîtîyê
tawanbarê bêxwedatîyê
tawanbarê bêolitîyê
bê peyxembertîyê
û nebawermendîyê
bê paşeroj...
bê parêzer...
bê mifa...
bê maf!
bê ziman
bê pere
bê mal
bê heval!
Lê, nizanim çima...