Ax, bu qızın barmaqları
Barmaqlarıma dəymədi.
Ürəyim ağrıyan gecə…
Gəlib qapımı döymədi.
Ax, bu qızın barmaqları
Bir məktub yazarmı görən?
Bir gün eşitsə ölmüşəm,
Qəbrimi qazarmı görən?
Ax, bu qızın barmaqları
Bir üzük taxdı belinə.
Qız idi, dinə bilmədim,
İndi nə deyim gəlinə?!
Ax, bu qızın barmaqları,
Uzun-uzun barmaqları,
Döymədi, anam, döymədi
Qapımızı barmaqları.
Ayrılıq
Yene bu şeherde üz-üze geldik,
Neyleyek, ayrıca şeherimiz yox.
Belke de, biz xoşbext ola bilerdik,
Belke de, xoşbextik, xeberimiz yox.
Aradan ne qeder il keçib gören, -
Tanıya bilmedim, meni bağışla.
...
...Sağımız-solumuz adamla dolu,
Qol-qola kişilər, qadınlar keçir.
Özünden xebersiz, ömründe min yol
Özünü öldüren adamlar keçir...
...
Səhər ölmək istəyirəm,
Gecə ölsəm, bağışla.
Bilmirəm necə yaşadım.
Necə ölsəm, bağışla.
Tanrıdan bəxt borc alsaydım,
Sənə də saxlayardım.
Ağlamağı bacarsaydım,
Sənə gün ağlayardım.
Gizli ölmək istəyirəm,
Xəbər tutsan, bağışla.
Qorxuram unutmayasan,
Yox, unutsan, bağışla.
Qışda ölsəm, qəm eləmə,
Yerim isti olacaq.
Ruhum uçub cəhənnəmə
Gedən tüstü olacaq.
Səssiz ölmək istəyirəm,
Səsim gəlsə, bağışla.
Sənsiz ölmək istəyirəm,
Sən də ölsən, bağışla!..
Bu yerləri bu göyləri
Yağış yuyur ,gün qurudur.
Bu dünyada çox şeyləri
Yağış yuyur ,gün qurudur.
Gözümüzün yaşını da,
Bağrımızın başını da
Qəbrimizin daşını da
Yağış yuyur ,gün qurudur.
Gələn nədi ,gedən nədi?
Bələk nədi,kəfən nədi?
Bu dünya öz kefindədi
Yağış yuyur ,gün qurudur.
...Ulduzların tozunu da,
Lap günəşin özünü də,
Lap yağışın özünü də
Yağış yuyur ,gün qurudur...